Advertisements
Advertisements
الجمعة 26 فبراير 2021...14 رجب 1442 الجريدة الورقية
Advertisements
Advertisements

أحمد الشربيني يكتب : انتو بتقولو إيه يا جمااااعه

صحافة المواطن 398
أحمد الشربيني



هذه الاحداث هزلية جداً جداً لكنها واقعية إلى أبعد حد .. إنها كوميديا الفلاحين السوداء

(الفصل الأول)
أخيرااااااا وجدتهاااااااااا.
العيب ليس في المرض ولا الطبيب ولا العلاج ولا المستشفي العيب طلع في المريض اللي مَرض حد قاله يمرض هذا الغبي.
نعم نعم نعم العيب ليس في الزراعه ولا المسئولين ولا تجار والأسمده والمبيدات ولا أصحاب محلات سوق الجمله ولا المصدرين.
العيب طلع في الفلاااااااح هذا أخر ما توصلت إليه أبحاثنا وتجاربنا المعمليه حد قاله يزرع.

( الفصل الثاني )
أنتم تنظرون إلي النصف الفارغ من الكوب.
أيوه يا جماعه كلكم زعلانين وهطقم من إجنابكم علشان أسعار المحاصيل الزراعية في الحضيض الأسفلِ.
دعونا ننظر إلي النصف المليان من الكوب :-
أولاً:- العام الماضي كنت معزوم في ٤ أيام العيد الكبير علي حوالي ٢٥ فرح السنه دي اتعزمت علي ٣ أفراح فقط لأن الناس مش معاها فلوس تجوز عيالها وبالتالي هذا الأمر سوف يؤدي إلي تحديد النسل وهو الملف الذي فشلت فيه الحكومات المتعاقبه.
يبقي ده إنجاز ولا لأ.



أنتو بتقولوا إيه يا جماعه
ثانياً:- طبعا نظراً لإنخفاض الدخل فبالتالي الناس قللت من الأكل وبالتالي هينخفض مرضي السمنه والسكر ومافيش حد هيموت علشان هو تخين بس مالناش دعوه لو حد ضغطه إرتفع وفرقع من إجنابه ( أظن دي مسئوليته بأه )والأهم من ذلك إن إحنا مش محتاجين نغير شبكات الصرف الصحي لأن الناس بطنها فاضيه فمش هتدخل الحمامات فبالتالي هنوفر مليارات.
يبقي ده إنجاز ولا لأ
أنتو بتقولوا إيه يا جماعه
إقلعوا النظارات السوده اللي أنتو لابسينها حرام عليكو.

(الفصل الثالث والأخير.)
أيها الفلاح المصري إن شمس زمانك قد غابت.
أولاً:- بالنسبه لأسعار القمح والفول والذره والأرز المستورد أرخص بكثير من الأسعار المحلي يعني من مصلحه المواطن إني أجيب الحاجات دي من بره وما اشتريهاش من الفلاحين المصريين وطبعا لما أجيب الخامات رخيصه من بره هخلي سعر اللحمه والفراخ ببلاش والكل هياكل لحمه وفراخ ببلاش وهنعملكم عرض (إشتري إثنين وخد التالت ببلاش) صدقوني هنشيلكوا من علي الأرض شيل وكلوا لازم يترفع (أقصد مستوي المعيشه طبعا) وبكده أثبت لكم أن من مصلحه المواطن عدم الشراء من الفلاحين وأن الفلاحين دول عاااااله
إحنا عندنا مصلحه المواطن تعلوا ولايُعلي عليها.
أنتو بتقولوا إيه يا جماعه.
ثانيا:- طيب نخلص من زن الفلاحين دول ووجع دماغهم إزاي؟؟؟؟
دي بقي أسهل حاجه في الدنيا نخليهم كل مايزرعوا حاجه يا إما ماتتبعش يا إما تتشحت يا إما تخرب بيت أم اللي جابوه ولو لاقدر الله لا قدر الله جت تكسب ناخدها منه بالعافيه وبلوشي.
وبكده كل الفلاحين هيطقوا من جنابهم ويموتوا.
وده في علم الجريمه إسمه (القتل النظيف) بدون إطلاق رصاص أو إساله دماء وده في حد ذاته إنجاز.
أنتو بتقولوا إيه يا جماعه.
ثالثاً:- طيب نعمل إيه في الأراضي اللي عندنا ؟؟؟
خد عندك الحل السحري طبعا الشباب هيكره الأرض والزراعه لأنها خلصت علي أجل اللي جابوه وهيدور علي شغل تاني غير الزراعه فمثلاً فيه شاب عبقري مقدم دراسه جدوي لمشروع عملاق والأول من نوعه في الشرق الأوسط وهو :-
١-نبيع الأرض ونعمل مشروع (شيشه وبوري دليفري - ساده ومعمره) وده لأول مره الشيشه والبوري لحد البيت وبنص الثمن وكله علشان نخلي مزاج الشعب في التمااااام.

٢-نبيع الأرض ونعمل كافياهات اللي مش لاقي ياكل ييجي يشتغل عامل بلقمته واللي معاه تشطيبه فلوس هنعمله تقسيط الطلبات علي٦شهور بدون فوايد أنتوا عايزين رفاهيه اكتر من كده ايه.

هما دول الشباب اللي فكره خرم الصندوق والشاب من دول هيعمل في اليوم من ٥ الي ١٠ أساتك مش تقولي الشاب اللي عاوز يبقي دكتور ولا مهندس ولا الحاجات إللي مابتأكلش عيش دي.

وخضرا يا كسبره مش هيجرا أد اللي جرا.
أنتو بتقولوا إيه يا جماعه.
كله زي الفل.
وإلي لقاء قريب بإذن الله.






Advertisements
Advertisements
Advertisements
Advertisements