Advertisements
Advertisements
الجمعة 23 أبريل 2021...11 رمضان 1442 الجريدة الورقية
Advertisements
Advertisements

شالوا الوزير جابوا الوزير.. قول وقول سرك في بير | ساخرون

ساخرون شلاليت عم فريد طه
شلاليت

فريد طه



شلاليت



شالوا الوزير جابوا الوزير
وقول وقول سرك في بير
نفسك في إيه ؟ في رغيف نظيف
وبدون وقوف في الطوابير




حاضر ياسيدي أنا من زمان
مصري وله أرفع مكان
ومنايا أعيش وطالع لي ريش
ومش سخيف ولا اُلعُبان




فبلاش بقي إسراف كتير
علشان ياناس نعرف نسير
مصر العزيزة هي المصير
من الصغير والكبير



وبدون زعل فيه تعبانين
عايشين في كبت ومحرومين
وكل واحد أسأله إيه السبب؟
يقول لي قول لي ياصاحبي بس أروح لمين




الثورة قامت أيوه آآآآه
والشعب عمره في يوم ما تاه
في كل يوم تحريض كتير
الكل عارف مين وراه




وبكل صدق أقول لكم رأيي الأخير
أنا المصري عُمره ما كان أسير
ولابد يبقي العدل عنوان النظام
بين الصُغّير والكبير

Advertisements
Advertisements
Advertisements
Advertisements