رئيس التحرير
عصام كامل
Advertisements
Advertisements
Advertisements

"ميدو": مصطفى محمد أفضل مهاجم في مصر.. والبدري يستفزه

أحمد حسام ميدو
أحمد حسام ميدو
قال أحمد حسام "ميدو"، المدير الفني السابق لنادي الزمالك، إن اللاعب مصطفى محمد افضل مهاجم في مصر، وحديث حسام البدري عنه يمكن أن يكون لاستفزاز قدرات اللاعب ليبذل مزيدًا من الجهد، مؤكدًا أن مصطفي محمد من اللاعبين الذين يجب أن يوضعوا تحت ضغط ليظهر قدراته في اللعب.


وكتب أمحمد حسام "ميدو" تغريدة على تويتر قال فيها: "مصطفى محمد افضل مهاجم في مصر ولكن طبيعي ان مدرب المنتخب يطلع يقول انه محتاج يشتغل على نفسه كتير علشان يكون المهاجم الاساسي للمنتخب..المدرب من حقه انه يستخدم الاعلام في بعض الاوقات لاخراج افضل ما عند لاعبيه خاصة لو كان لاعيب صغير في السن". 

واضاف: "لازم كلنا نستنى قرارات حسام البدري الفعليه وليس تصريحاته..ممكن يكون حسام البدري بيستفز مصطفى علشان يموت نفسه علشان يكون المهاجم الاساسي للمنتخب..لو حسام البدري صرح  دلوقتي ان مصطفى احسن مهاجم في مصر تبقى دي بداية النهاية بالنسبه لمصطفى. انا مع تصريحات حسام البدري". 

وتابع:"مصطفى من نوعية اللاعيبه اللي لازم يتحط تحت ضغط على طول علشان يديك احسن حاجه عنده..ماعنديش اي شك ان مصطفى هيكون مهاجم المنتخب الاساسي مع حسام البدري.."

وقال:"مش فاهم في ناس عايزه مدرب المنتخب يقول للاعيبه الصغيره اهلا بيكم مكانكوا محجوز في المنتخب.. اعملوا اللي انتوا عايزينه الفتره اللي جايه وانا في ظهركوا..مفيش اي مدرب كبير بيعمل كده ابدا".

واضاف: "اخيرا لو لم يشرك البدري مصطفى محمد أساسيا مع المنتخب واعطاه الوقت الكافي في المباريات القادمه لان يثبت للجميع انه  يستطيع ان يكون المهاجم الاساسي سأكون اول المنتقدين له ولكن حتى الان انا مع تصريحاته فيجب ان يعلم مصطفى بان مازال امامه الكثير من العمل ليكون مهاجم مصر الاول".

يذكر أن حسام البدري، المدير الفني لمنتخب مصر، أكد في تصريحات له أن مصطفى محمد لايزال أمامه وقت للدخول في فورمة والانضمام لصفوف الفراعنة.




Advertisements
الجريدة الرسمية