الثلاثاء 26 يناير 2021...13 جمادى الثانية 1442 الجريدة الورقية

إنتصار السيسي تكشف عن نصيحة والدة الرئيس لها | فيديو

أخبار مصر

محمد طاهر أبو الجود

كشفت السيدة إنتصار السيسي قرينة الرئيس عبد الفتاح السيسي، عن نصيحة والدة الرئيس لها ونصيحة والدتها أيضا.

وأضافت خلال لقائها مع الفنانة إسعاد يونس المذاع على قناة "دي إم سي" في لقاء خاص: "والدة الرئيس لما قالت لي النصيحة لم تقلها لي بمفردي لأن كلنا كنا في بيت واحد بمدينة نصر وكل إخواته وزوجاتهم كنا في بيت واحد وقتها.اضافة اعلان


وقالت لنا لازم تكونوا عارفين إيه اللي ينجح البيت ده إن كل واحدة فيكم تبقى عارفة كويس إيه الكلام اللي تقوله واللي ما تقلهوش، واللي عايزة تخرج مع زوجها وأولادها لها حرية شخصية وتعتبر نفسها في بيت لوحدها.

وكلكم حبايبي والبنات زي الصبيان.. وكانت بتقول لو الأولاد طلعوا على إن طبيعة كل بيت زي التاني هيطلع عندهم توازن لأن الصح والغلط هيكون في كل بيت ويطلعوا بيحبوا بعضهم ويعرفوا الحلال من الحرام".


وعن نصيحة والدتها قالت: "قالت لي مش عايزة أقول لك على حاجة لأن أنا عارفة إنك متربية صح وبطبيعتك هتتآلفي مع أي طبيعة في الدنيا، وهما طبيعتهم زينا فمش هتلاقي غربة، والحمد لله ده أعطاني ثقة في نفسي والحمد لله نجحنا إن احنا دايما مع بعض".