رضا عبد العال لـ"أيمن يونس": "إنت بتهد وتدمر في نادي الزمالك" | فيديو

وجه الكابتن رضا عبد العال، المدير الفني لنادي طنطا، رسالة للكابتن أيمن يونس رئيس لجنة الكرة في نادي الزمالك.

وقال "عبد العال" خلال لقائه ببرنامج "البريمو" المذاع علي قناة "ten": "مش هنسألك أنك في مواقف كتيرة كنت بتبقى في صفي ولكن الزمالك هو اللى عملني وعملك.. بس إنت جاي تنفذ أجندة ولا جاي تحل مشاكل وتكبر نادي الزمالك وياخد بطولات.. إنت كده بتهد وبتدمر نادي الزمالك ومش إنت لوحدك.. لو إنت مش معاك فلوس وتقدر تدير الزمالك ومش هتوفي بالعقود مع السلامة أمشي.. إنتوا عايزين تخفضوا راتب عواد وبعد كده بن شرقي ومحمود علاء".



وأكد أنه ضد الاعتداء تمامًا على الكابتن أيمن يونس ولكن لو كان قادمًا لتصفية حسابات فعليه الرحيل.

ولفت إلى أن لجنة الكرة الحالية ليست مكلفة بتخفيض عقود اللاعبين ومنهم محمد عواد ولو جنيها واحدًا، ويجب أن تلتزم بدفع عقود اللاعبين كاملة وإلا يلجأون إلى القضاء والمطالبة بحقوقهم المالية.