Advertisements
Advertisements
الأحد 16 مايو 2021...4 شوال 1442 الجريدة الورقية
Advertisements
Advertisements

المضاربة في البورصة.. شادي محمد يروي تفاصيل أزمة تعرض لها غيرت مجرى حياته | فيديو

رياضة

محمد طاهر أبو الجود

كشف شادي محمد، مدافع النادي الأهلي، عن مروره بمشاكل مادية عنيفة أثرت على حياته وحياة أبنائه خاصة أن مصروفات مدارسهم كانت كبيرة.


صدمات مالية
وقال خلال لقائه ببرنامج "لحظات جريئة" المذاع على قناة "القاهرة والناس": "أول صدمة مالية كانت في البورصة حطيت فيها 100 ألف جنيه وبعد أسبوعين بقوا 250 ألف جنيه فزودت 250 ألف جنيه بقوا 700 ألف جنيه ومكنتش مصدق نفسي فرحت فكيت وديعتين كانوا معايا وحطيتهم في البورصة".



مكاسب كبيرة
وأضاف: "مكنتش مصدق المكاسب اللى بحققها في البورصة بشكل غريب ووقتها كنت باخد مكافأة 1200 جنيه في الماتش، وفي أفريقيا الماتش بـ700 جنيه وقلت بقى ده أنا كدة لو الأهلي عايز صفقات أنا اللى أخلصها وأساعد النادي".

انهيار البورصة
وتابع: "في يوم صحينا على خبر في 2008 بتأثر البورصة ببورصة دبي.. وقعدنا 6 أيام الدنيا واقعة وخسرت فلوسي كلها".

وقال شادي محمد، مدافع نادي الأهلي السابق في نفس اللقاء: إنه ليس نادمًا على دعم المهندس محمود طاهر ضد الكابتن محمود الخطيب في انتخابات النادي الأهلي والتي فاز فيها "بيبو".

انتخابات الأهلي
وأضاف خلال لقائه ببرنامج "لحظات جريئة" المذاع على قناة "القاهرة والناس": "دعمي لمحمود طاهر في الانتخابات لا ينقص من حبي واحترامي للخطيب الذي تربطني به علاقة قوية امتدت لـ17 سنة".

طريقة سيئة
وتابع: "مش ندمان على اختياراتي الشخصية ولكن أنا ندمان على طريقة مساندتي لمحمود طاهر لأنه مينفعش الكابتن التاريخي للنادي الأهلي تكون طريقته سيئة في تشجيع أي حد نازل الانتخابات".

وأضاف: "لو عاد بي الزمن لدعمت محمود طاهر في انتخابات النادي الأهلي".

جبروت مرتضى منصور
وأكد أن محمود طاهر تصدى لجبروت مرتضى منصور رئيس نادي الزمالك السابق، وذلك بعد تهليل الأخير على أغلفة مجلة الزمالك بوقف برنامجه.

دعم محمود طاهر
وتابع: "مرتضى منصور نزل مانشيت على مجلة نادي الزمالك الرسمية: "الرئيس الدكر يوقف برنامج شادي محمد"، وكنت وقتها في عمرة، فلقيت رئيس القناة بيكلمني وبيقول لي هنوقف البرنامج شوية، ساعتها المهندس محمود طاهر كلمني وقال لى البس بدلتك، واطلع على القناة دلوقتي حالًا وقال: مش رئيس نادي الأهلي اللى حد يملى عليه قرارات، وقناة الأهلي عاملة زي البيت محدش يدخل البيت يحرك فيه زي ما هو عايز".

وكشف شادي محمد، نجم النادي الأهلي ومنتخب مصر السابق، في لقاء سابق، عن المرأة التي يمكنها أن تنال إعجابه فور معرفته بها.

صفات شريكة حياته
وقال شادي محمد خلال الجزء الثاني من لقائه ببرنامج "لحظات جريئة" المذاع على قناة "القاهرة والناس": "الست اللي تعجبني هي الست اللي بتخاف ربنا".

المرأة الجميلة
وتابع: "أحب الست الجميلة ومعايا بتكون أكثر جمالًا، ومعايا باقدر أحدد لها اللبس اللي يناسبها وازاي اختياراتها تكون صح في ارتداء الحلي أو أي شيء آخر، يعني ماينفعش تلبس فستان سواريه ةتعمل زي فضة المعداوي ودي حاجة مالهاش علاقة بالمنطق".

وعبر شادي محمد، لاعب النادي الأهلي السابق، في الجزء الأول من نفس اللقاء، عن غضبه واستيائه بسبب تجاهل قيمته في العصر الذهبي للنادي الأهلي واعتباره جزءًا من جيل "أبو تريكة وبركات".

جيل أبو تريكة وبركات
وقال: "أنا أقدم من أبو تريكة وبركات في النادي الأهلي بـ6 سنين، ولعبت مع حسام حسن وإبراهيم حسن، وحضرت الكابتن صالح سليم لما كان رئيس النادي.. مين اللى يغير من أبو تريكة وبركات".

نجوم الأهلي
وأضاف: "إزاي جيل أبو تريكة وبركات؟.. أمال عماد النحاس كان بيعمل إيه، هو كان بيروح يتفرج على التمارين؟ ودور محمد شوقي وجيلبرتو وفلافيو كان إيه؟ فين العدل بقى؟!".
Advertisements
Advertisements
Advertisements
Advertisements