Advertisements
Advertisements
الإثنين 17 مايو 2021...5 شوال 1442 الجريدة الورقية
Advertisements
Advertisements

أحمد بلال: شادي محمد ودانا في داهية.. خد فلوسنا وخسرنا اللي ورانا وقدامنا

رياضة

محمد طاهر أبو الجود

كشف الكابتن أحمد بلال نجم النادي الأهلي السابق، تفاصيل خسارته وعدد من اللاعبين أموالهم في البورصة، بسبب شادي محمد مدافع الأحمر السابق.



خسارة البورصة


وأكد خلال لقائه ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"فضلنا نضارب بفلوسنا في البورصة لحد لما اتضربنا وخربت بيوتنا، وشادي محمد ودانا في داهية في القصة دي بعد لما خد فلوسنا وعمل فيها رجل اعمال وخسرنا كل اللي ورانا واللى قدامنا".


ورطة شادي محمد


وتابع: "شادي محمد جاب لاب توب وعمل فيها محاسب في بنك وقالنا السهم ده طالع والسهم ده نازل وحطينا فلوسنا في البورصة وكسبنا في الأول وقلنا شادي محمد أكيد جامد، وبعدين حطيت 300 ألف جنيه واقوله فين الفلوس يا شادي وطلعت طارت وخسرنا كتير جدا".




قضية نصب


وأشار: "اتورطت في قضية نصب في 2009 لما كنت في الأهلي في قضية معروفة بـ"قضية عثمان" ووقتها كنت مضحوك عليا الراجل خد منى 3 مليون جنيه ورجعهم ليا على 3 سنين من غير فوائد".


شيخ الحارة والجريئة

أحمد بلال في نفس اللقاء، كشف تفاصيل مشاجرته مع المدير الفني لمنتخب مصر حسام البدري، عندما كان مدربا للأحمر والتي تسببت في رحيله .


وأضاف خلال برنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس"، قائلا: "كنت كابتن النادي الأهلي وقت تدريب حسام البدري للفريق ووقتها كنت جليس الدكة، وكل مرة يقولى هتلعب الماتش الجاي، وعدى أكتر من 3 ماتشات، ولم ينفذ وعده ليا، وهو ما أصبني بالغضب والضيق فرحت له أوضة اللبس ومسكت دراعه وقلت له: انت ليه مابتلاعبنيش.. فيه بينك وبيني حاجة، وفيه حاجة جواك ناحيتي مش مظبوطة وطلعها علشان أقدر أكمل معاك؟!، ووقتها سابني ومشي، فناديت عليه وقلت له: أرجوك رد عليا لأن أنا مش هاينفع أكمل معاك كده، وقتها قال لى ربنا يسهل".


قمة الغضب
وتابع: "كنت في فترة تدريب حسام البدري للأهلي في قمة غضبي، وكان عندي إحساس إن الراجل ده هايضيع مستقلبي".

ضريبة الخلاف مع حسام البدري
وأشار: "ناشدت مدير الكرة وقتها هادي خشبة وقلت له كلم حسام البدري علشان أنا وصلت لآخري، وتاني يوم فوجئت به عمل لى خصم 100 ألف جنيه، فرحت له وقلت له انت فيه حاجة في قلبك ضدي، وتاني يوم مشيت من النادي الأهلي".


التألق مع سموحة
ولفت: "لما سيبت النادي الأهلي رحت سموحة ومنه انضميت لمنتخب مصر لأنى كنت وقتها جايب 9 أهداف".
Advertisements
Advertisements
Advertisements
Advertisements