السبت 16 يناير 2021...3 جمادى الثانية 1442 الجريدة الورقية

«3 حروف تبقي أمي».. قصيدة للشاعر هاني الجخ

ثقافة وفنون
الشاعر هاني الجخ

عماد ماهر


أطل علينا الشاعر هاني الجخ، بقصيدة جديدة، يمدح فيها الأمهات، وتقول القصيدة: 
3 حروف يا أمي.. وكل حرف فيهم.. بيقول معني الحنان
ألف وميم وي.. تشبكهم يبقوا أمي.. تحس بالأمان
تحس إنك محمي من غدر الزمان.. محمي من الإنس والجان
محمي من أي إنسان مهما كان
وبقولك يا أمي كفاية عليا تدعيلي.. ودعوتك ليا يا أمي تحميني.. تخليني
عايش كما الأمير.. ولا يهمني سلطان ولا غفير
بحبك يا أما.. حبك علمني معني الكلام.. معني الحنان
حبك يا أما.. علمني كيف أغضب.. وكيف أثور
وكيف أقول الحق ولو فيه بيني وبينه.. ألف سور
خايف يا أما..
خايف يا أما.. يجي اليوم اللي تسيبيني فيه
وبدعي ربنا إني أسيب الدنيا.. قبل ما تسيبيني
لأني على فراقك.. ما هحملشي.. ما هقدرشي
ولا حد غيرك يحس الآه.. اللي جوايا بيسمعها
دنا لما بقول الآه.. محدش غيرك بيسمعها
بكتبلك شعر يا أمي.. وإيه الشعر ما هو كلام
وإيه يفيد الكلام.. قصاد دعوة منك
تشد الحيل.. وتخليني أكتبلك
وياريت أعرف أكتبلك إحساسي اللي جوايا
ولا يعرفه غير الله وغيرك إنتي باللي جوايا
هاتولي أحمد بيه شوقي أمير الشعراء يكتبلي
ولا أخويا هشام الجخ يكتبلي
والله ما هيعرفوا يكتبوا حاجة من اللي جوايا
أصل اللي جوايا.. أمي
أنا فاكر يا أمي وأنا صغير وكنت تعبان
نايمة تحت رجلي تدعي ربنا الحنان المنان
أنا طالب منك يا أمي طلب.. وعمرك ما خذلتيني
لو جه اليوم اللي تسيبيني.. خديني معاكي
لأني بعدك يا أمي.. كل شيء في الدنيا دي هيبقي عادي.
اضافة اعلان