ليلى علوي مهنئة متابعيها بعيد الأضحى: أملنا أن ربنا يزيح الكرب والبلاء
هنأت النجمة ليلى علوي متابعيها بحلول عيد الأضحي عبر صفحتها الشخصية علي موقع الصور الشهير "إنستجرام".
ونشرت ليلي صورة للكعبة وعلقت عليها قائلة «ما أجمل التلبيه والتكبيرات وإحنا بنرددها وبنسمعها وبنحس بيها ف كل حتة من روحنا وبنستحضرها كل ما بيقرب العيد، ويوم وقفة عرفة العظيم اللي بنستناه كل سنة علشان نجتهد فيه بالابتهال إلى الله و الدعاء بالرحمة والعفو والرزق والمغفرة».
وأضاف «من السنة للسنة بنستنى طعم اليوم ده وريحته وإحساسه.. صحيح قضاء ربنا السنة دي إن ناس كتير مايقدروش يكونوا موجودين في بيته الحرام بسبب الظروف الحالية لكن أملنا إن ربنا يستجيب الدعاء ويزيح الكرب والبلاء ونرجع نقف على عرفات السنة الجاية من جديد.. كل سنة وأنتم طيبين وبصحة وخير ومبسوطين ومتطمنين على حبايبكوا ومتونسين بيهم.. وقفة مباركة وعيد أضحى سعيد».
