سماح أنور: عملت 42 عملية بسبب الحادثة.. ولهذا السبب ما فكرتش في الانتحار | فيديو
مواجهة الانتحار
وأضافت خلال لقائها ببرنامج "لحظات جريئة" الذي يقدمه الإعلامي أحمد سالم بقناة "القاهرة والناس": "لو ماكنتش اتعلمت كنت ممكن أفكر في الانتحار وأنا في ظروف مرضية صعبة".
دعم المريض
وتابعت: "كنت دايما بقول لو شفتوا حد عنده ظروف صحية بلاش يصعب عليكم قدامه لأنه بيجرح الناس وبيمرض المصاب أكتر نفسيا لأن مفيش حد بيحب الشفقة".
الوسط الفني
وأردفت: "الوسط الفني ما خذلنيش خلال فترة مرضي لأني ما عرفتش غلاوتي إلا بعد الحادثة لأن الناس كانت بتسأل عليا يوميا طوال 11 سنة وأنا في أمريكا وجنيف والنمسا".
واستطردت: "عملت 42 عملية في 11 سنة بسبب الحادثة وعرفت غلاوتي عند الناس بسببها، ويوميا الناس كانت بتطمئن عليا".
وكشفت الفنانة سماح أنور، في لقاء سابق لنفس البرنامج، حقيقة قصة حب الفنان سمير صبري لها.
قصة وفاء
وأوضحت سماح أنور: "هي مش قصة حب خالص هي قصة وفاء وصداقة وحميمة جدًا، وهو زيي عارف إن فيه ناس ماتحبش تعيش مع شريك حياة ولكن تقدر تبقى صديق رائع وعظيم".
صديق عظيم
وتابعت: "سمير صبري صديق رائع وعظيم، وهو أصلا كان صديق أبويا وأمي من قبلي، ولما اشتغلنا مع بعض أول فيلم لقيته وكأني حد قريب ورحت ناحيته فجأة وهو كان محتضني في وقت طويل لأني كنت شاطرة ولطيفة ونجمة حلوة وهو عاصر معايا أزمات كتير في حياتي وهو كان حلال المشاكل".
فرصة الزواج
وأضافت: "فوجئت لما عرفت أن سمير صبري بيحبني ولو كنت أعرف ماكنتش فوته من تحت إيدي، وأنا زعلانة أنه أعلن أنه كان عايز يتجوزني وما أعلنش.. وخدت عليه الحركة دي".
