Advertisements
Advertisements
الأحد 25 يوليه 2021...15 ذو الحجة 1442 الجريدة الورقية
Advertisements
Advertisements

زينب غريب تكشف تفاصيل جديدة عن واقعة التحرش بها على يد طبيب | فيديو

ثقافة وفنون Screenshot_3
زينب غريب

سارة عبد المجيد

احتلت الفنانة الشابة  زينب غريب صدارة تريندات مواقع التواصل الاجتماعي، وذلك عقب كشفها وقائع وتفاصيل جديدة عن حادثة التحرش بها على يد طبيب بيطري.


وذهبت زينب غريب إلى حسابها الشخصي علي موقع تبادل الصور والفيديوهات "انستجرام" وكتبت علي فيديو "حادثة الدكتور البيطري.. ايه اللي حصل؟ ليه اتكلمت دلوقتي ؟ وإزاي صيغة نقل الخبر والبحث عن الترافيك كان في نفس الوقت دعم للتحرش ؟". 

وأطلت زينب من خلال فيديو مدته حوالي 8 دقائق على متابعيها، وكشفت للرأي العام تعرضها للتحرش من طبيب بيطري، وقالت "أنا قررت متكلمش إلا لما يصدر حكم في القضية، اللي حصل إني كنت ماشية الساعة 9 الصبح في وسط البلد وسمعت صوت حد ماشي ورايا وبدأت أخاف وقبل ما أوصل العربية بصيت ورايا وشفت حد بيصور جسمي من ورا، طبعاً أنا غضبت جداً وثرت جداً ومسكته بالـ TShirt وقلتله وريني موبايلك إنت كنت بتصورني وأنا كنت متأكدة، حاول يهرب مسكته تاني والناس إتلمت حواليا وساعدتني وبسرعة جداً حد من أفراد الأمن جه وخدناه على القسم"


وأضافت زينب، "في قسم الشرطة فتح الموبايل وبالفعل لقيناه مصورني 3 صور، في نفس اللبس اللي أنا لبسته دلوقتي، وبعدها رحت على النيابة وقدمت أقوالي لمدة 8 ساعات واكتشفت أنه طبيب بيطري ومراقب جودة لحوم وقتها قلتله أنت فاكرني جاموسة، وعرفت كمان أنه متزوج ووالدته طلبت مني تغيير أقوالي والتنازل عن القضية واتعرض عليا أموال حتى أقوم بذلك وقالوا لي ارجوكي متخلهوش يتحبس في أيام مفترجة".

وتابعت غريب، "اللي خلاني أغضب أكتر إن بعض الصحافة خدو صور ليا على الريد كاربت وصور قديمة وخدوا آخر جملة كنت علقت بيها من غير توضيح وهي إنت فاكرني جاموسة علشان يعملوا مانشيت وترافيك، وأنا كنت لما اقرا الكومنتات بعيط".

واختتمت زينب غريب حديثها بـ "التحرش جريمة ويجب عدم الوقوف في صف المتحرشين فأنا رأيت العديد من البنات حدث لهم أمورا مُشابهة لواقعتي ولكن خائفين من التحدث، وهذه ليست الواقعة الأولى التي تم التحرش بي فأنا تم التحرش بيا وأنا في سن 12 عامًا".
Advertisements
Advertisements
Advertisements
Advertisements