حمو بيكا يكشف حقيقة خناقة الساحل.. ويؤكد: انخذت قرارا منعا للمشاكل

كشف مؤدي المهرجانات حمو بيكا، حقيقة مشاجرته في الساحل الشمالي، مع عدد من الشباب.

مشاجرة الساحل
وقال خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "mbc مصر":" أنا كنت نايم في بيتنا ولا أعرف شيئا عن الخناقة اللى في الساحل، والقصة إن العربية بتاعتي كانت مع السواق وخرج بيها بره علشان يشتري حاجات وأنا كنت نايم، أنا واخد شاليه لمدة 3 شهور في مارينا".

حادث طريق الساحل
وعن حادث سيارته علي طريق الساحل، علق حمو بيكا قائلا:"الحادثة أنا مليش دعوة بيها والسواق اللي دخل فينا واتسحب علينا شوم وقالوا حمو بيكا بلطجي مع إني كنت بحوش"

بيع السيارة الذهبية
وتابع:"الناس أول لما تشوفني بتشغل فيديوهات علطول وأنا بعت العربية الذهبي النهاردة علشان أنا مش عايز مشاكل، وأنا أخدت تعويض 70 ألف جنيه تعويض من اللى اتسببوا في الحادث من باب اللى اتلف شيء فعليه بإصلاحه، وهما تلفولي العربية وحطيت عليها فلوس وطلعوا لصاحب نصيبها".

أزمة المطعم
وعن أزمة المطعم الخاص به في أحد مولات الإسكندرية، قال:"أنا فاتح مطعم ساندوتش بيكا ومطعم بيكا  وبيتخانقوا معايا علشان بيقولوا حمو بيكا مش عايزينا ناكل عيش وربنا اللى بيوزع الأرزاق، وقريبا هيكون عندي سلسلة مطاعم عددها 4 مطاعم ومنها في الشيخ زايد".