تامر حسني يهنئ الجمهور بحلول عيد الأضحى المبارك
حرص الفنان تامر حسني على تهنئة الجمهور بحلول عيد الأضحى المبارك والدعاء لهم، طالبا مشاركة الناس كي يدعو لبعضهم في ظهر الغيب.
وقال تامر عبر حسابه الرسمي بموقع التواصل الإجتماعي فيسبوك : "في وقفة عرفات ، في هذا اليوم المبارك العظيم احب ادعيلكم كلكم
اللي متابعني واللي مش متابعني ".
وأكمل تامر : لكل حد محتاج الدعاء يارب الدعاء دا يوصله، ربنا يفرح قلبك و ينصرك و تحقق احلامك كلها و يرزقك ربنا من اجمل ابواب رزقه الواسع و اللي بيحب حد ربنا يجمعه بيه ويبقى من نصيبه ".
وتابع : "واللي نفسه في شغل معين ربنا يبعتهوله و اللي نفسه يكبر في شغله ربنا يعلي مراتبه و يكبر و اللي نفسه ينجح في الدراسه ربنا ينجحه بأعلى الدرجات و يشفي كل مريض اللهم آمين ".
وأضاف : " اللي نفسه يتوب عن شيء معين ربنا يغفرلك كل ذنوبك و يبدلهالك حسنات ويصبرك ويقويك و اي حد متخيل ان ذنوبه كترت ينوي حالاً انه يفتح صفحه جديده مع ربنا وربنا غفور ورحيم وتواب وبيحب التوابين ".
وأكد تامر : " يلا ندعي كلنا لبعض يلا نمسك موبايلاتنا و نطلع اسماء ناس ناسينهم و ندعيلهم في ظهرهم من قلوبنا لعل الدعاء يعودلك انت عشر أضعاف، كل سنه وانتوا راضيين ومنصورين وطيبين ".
