تامر حسني يعلن عن طرح ألبومه الجديد "خليك فولاذي" بطريقة غير تقليدية

أعلن الفنان تامر حسني عن اقتراب موعد طرح ألبومه الجديد "خليك فولاذي" رسمياً بطريقة غير تقليدية عبر صفحته الشخصية علي موقع الصور الشهير انستجرام .

وكتب تامر «الألبوم قرب ينزل ياجماعة إن شاء الله وبسمعكم مقاطع بطريقة جديدة غير تقليدية لإني بدأت في مرحلة طرح الألبوم.. لما بتواجد في مكان أو مناسبة محدش يفتكر إني مش بسمعهالكم».

وأضاف «لو مش عايز المقاطع توصلكم كنت هعمل حفلة خاصة مفيهاش تصوير إنما أنا عارف أن التصوير بيوصلكوا وانا كمان بنزل مقاطع من الأغاني عندي ليكم».

وتابع «ياريت في حفلات كبيرة بتحصل كنا أكيد اتقابلنا وسمعتكم منها حاجات وعموماً الألبوم إن شاء الله خلال أيام وإن شاء الله الأوضاع تتصلح والدولة تسمح بحفلات ونتقابل وأغنيلكم كل الألبوم وكل يوم إن شاء الله هيكون في جديد.. دعواتكم يا أجدع ناس».