القصة الكاملة لتورط محمد رمضان في زرع قنبلة أسفل أقدام ممثل شاب | فيديو
انتقد الفنان محمد رمضان عبر حسابه الشخصي على موقع الصور الشهير "إنستجرام"، الإعلامي عمرو أديب وتناوله لواقعة إصابة الفنان الشاب يوسف عمر في أحد الإعلانات التي صورت مؤخرا.
ونشر محمد رمضان صورة له تظهر إصابته أيضا في تصوير الإعلان، مؤكدا أنه ليس له علاقة بإصابة الفنان الشاب يوسف عمر، متمنيا له السلامة، كما وجه الشكر لجمهوره.
يوسف عمر
وكشف الفنان الشاب يوسف عمر الذي أصيب في إعلان محمد رمضان، كواليس الإعلان، وكيف تعامل معه "رمضان" بعد الانتهاء من التصوير.
تحول اللعبة لكارثة
وأضاف خلال مداخلة هاتفية سابقة ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "الإعلان اللي اتصور عبارة عن جيم زي لعبة بابجي ومن بطولة محمد رمضان، ولم أتخيل أن تتحول لعبة الإعلان إلى حقيقة كادت تودي بحياتي".
متفجرات إعلان محمد رمضان
وتابع: "المسئول عن المتفجرات بالإعلان وضع قنبلة تحت رجلي ولكن متوقعتش أنى أتعرض للأذى، وكنت فاكر أنها صوت ودخان ولكن فوجئت أنها حقيقية".
أعراض التفجير
وأكمل: "وداني فيها مشكلة بسبب الصوت، ومحستش برجلي، ولولا ستر ربنا كان ممكن أموت".
رد فعل محمد رمضان
واستطرد: "محمد رمضان جالي بعد التصوير وقال لي عاش يا بطل، ومشهد جميل، ومكنش شاف حاجة في رجلي اللي تعرضت للأذى".
وأكمل: "أنا مش عارف إذا كان اللي حصل معايا غلطة ولا المسؤول عن التصوير كان قاصد يحصل فيا كل الأذى ده".
وأردف: "اللي أثار ضيقي وغضبي أن عصام الوريث اللي مسؤول عن الإعلان قال لي أنت اللى غلطان ونطيت متأخر، وأنا لو كنت قفزت متأخر كنت أموت فيها".
وتابع: "تعرضت للتهديد من عصام الوريث واتعمل لي كارت إرهاب بعد التصوير برغم أنى ضحية وقاللى: "أنا سمعت أنك رافع عليا قضية وأنت اللي غلطان"، معقبًا: "أنا مش عارف إزاي يستهتر بحياة الناس بالشكل ده".
لبنى ونس
وتوعدت الفنانة لبنى ونس، الفنان محمد رمضان، بعد تعرض نجلها الفنان الشاب يوسف عمر لإصابة بالغة خلال تصوير إعلانه الجديد.
وكتبت "لبنى ونس" عبر صفحتها على فيس بوك: "إذا عملنا كل حاجة طبيعية وحقيقية كنا هلكنا، ولا تلقوا بأيديكم إلى التهلكة.. يعني إذا في مشهد يا أستاذ محمد التمساح بياكلك نترحم عليك ويبقى آخر مشهد في حياتك! في مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه في اللوكيشن كأنه إله هو المحور والكل يدور حوله".
وتابعت: "هل ممكن تتعرض لما حدث لابني في التصوير معاك، مستحيل طبعًا بتعمل أكشن وبتبقى عارف قبلها كل تفاصيله مرة واتنين وعشرة، واللي عاجبك بتوافق عليه واللي مش عاجبك بتغيره".
وأضافت: "يعني القنبلة اللي زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كده ليه؟! أنت بني آدم وابني مش بني آدم أنت أغلى الناس عند والدتك ويوسف نن عيني ومفيش أغلى من الضنا حط ابنك مكان يوسف هتقول برضه كله في حبكم يهون!".
ثم ختمت كلامها قائلة: "بس أرجع وأقول لك ابني ربنا هيجب له حقه من عصام الوريث ده اللي ميعرفش أبجديات عمله اللي بيستبيح حياة الشباب عشان يحقق الطبيعية المزعومة، الغلط اللي حضرتك بتتكلم عنها حق ابني إن شاء الله هيرجع له مش هسيبه عشان يبطل سي الوريث ده أنه يستهين بحياة الناس، سؤال بقى لما نموت سيادة النجم هيندفن فين؟ الديان والعدل والحق موجود واعتمدنا عليك يا رب".
