رئيس التحرير
عصام كامل
Advertisements
Advertisements
Advertisements

إلهام شاهين: لسة قادرة أقدم إغراء ومشاهد جريئة| فيديو

فيتو
قالت الفنانة الهام شاهين: "فضلت الشهرة عن الحب في أول حياتي وانفصلت عن أول حد حبيته وقتها، ولسه لحد دلوقتي أفضل الشغل عن أي حاجة شخصية".


قيمة الفن

وأضافت خلال لقائها ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "مفيش راجل هيديني اللى اداهولي شغلي.. شغلي أعطاني المكانة والثقة في النفس وحب الناس ليا والجماهيرية والجوائز والرجالة بيغيروا من الحاجات دي".

عقدة الرجال

وأكدت: "انا مش معقدة من الرجالة ولكنهم سبب المشاكل والست طيبة ودايما بتحب تكسب زوجها وهي أكثر رومانسية، وكل التجارب الشخصية عقدتني من الرجالة ولكن أنا نمرة شرسة ومعنديش تفاهم".

الأدوار الجريئة

وأكدت الفنانة إلهام شاهين: انها لا زالت قادرة على تقديم الأدوار الجريئة والمشاهد الساخنة في السينما، معقبة: "مابيفرقش معايا السن".

الإغراء

وتابعت:"لو مقتنعة بالدور الجريء همثله وماعنديش مانع ولكن الفنانة الصغيرة هي أجمل وجسمها بيبقي أجمل وشكلها مغري وفرص الإغراء بتبقى أفضل عندها".

مشاهد الإغراء

واستطردت:"أنا مش ضد الإغراء وعملتها بالفعل ومابخافش من أي حاجة ومقتنعة بالقيمة اللى أنا بقدمها، وأكتر فيلم قالوا إنى عاملة فيه إغراء كان "سوق المتعة" وبعتبره من أهم وأعظم أدواري لأنه من الأفلام المهمة في السينما المصرية والفيلم كان فلسفي من تأليف وحيد حامد وإخراج سمير سيف".


وسألت المخرجة ايناس الدغيدي خلال نفس اللقاء، الفنانة إلهام شاهين: "ماذا لو رجع  الزمن بيك للوراء هتكررى جوازتك الاتنين اللى اتجوزتيهم؟ وتقدري تتجوزي واحد متجوز؟

تكرار التجربة
وأجابت الفنانة الهام شاهين: "أه ممكن أكررها واتجوز الشخصين اللي اتجوزتهم وانفصلنا لأنى ساعتها كنت مبسوطة ومفيش ملايكة على الأرض وهما أكيد عندهم أخطاء وأنا كمان عندي أخطاء".

الخيانة الزوجية

وتابعت:"لا أتقبل خيانة الرجل أو الست ولو بحب الراجل هغير عليه جدا ومش هسمح بخيانتي، وفي الجوازة التانية بتاعتي وافقت أتجوز واحد متجوز من امرأة غيري".
Advertisements
الجريدة الرسمية