رئيس التحرير
عصام كامل
Advertisements
Advertisements
Advertisements

أغنية غابة لمروان بابلو تصل للمركز الـ10 بتريندات يوتيوب عالميا

فيتو
على مدار الساعات الماضية تصدر اسم مغني الراب مروان بابلو، مؤشرات الأكثر مشاهدة عبر موقع الفيديوهات "يوتيوب" حتى إن وصلت أحدث أغانية "غابة" إلى المركز الـ10 بتريندات يوتيوب عالميا.. الأغنية التي تخطت 4 ملايين و400 ألف مشاهدة  خلال 24 ساعة فقط.


 
ونستعرض كلمات أغنية "غابة":

السلام عليكم.. اظهر يا مختفي
الصورة مش واضحة.. بس مش هتفرق
فاكرينها بالحظ.. جت عشان بابتسم
كل التماثيل بتكسر 
في وشك أصارحك.. أنا مش حتكسف
الشياطين عمالة تزن في ودني
  * * *
كلامكو كله مثير للشفقة
أول ما جيت حلت البركة
طبقنا طابق على طبقك
دوا حقي.. دي مش صدقة
حلكِ مني عشان انت عطلة
مشفتكوش أيام الحارة
أيام ما سهرنا تحت المطرة 
أيام الأكشن والإثارة
   *  *  *
مش محتاج لـ invitation 
بابلو villain ده invasion
حط المدينة عل rotation 
معايا حل الـ situation
صباع للـ haters 
وبكده أكون خلصت الـ mission
اقتلهم واحد ورا واحد
زي final destination 
   *   *   *
كبرنا فهمنا
خسرنا وكسبنا
دايماً حاضرين
مهما غيبنا
الفقر شوفنا
والقحط عشنا
ربك بيعوض
الحمد لله
لو ع النوع فريد
سالك مش بكيد
صاحبي الدنيا دي
مبتنصرش البرئ
عشان البشر جم
وسنوا القوانين
تقع تاني تقوم
وتقول هل من مزيد
ده الموضوع
وديا الغريزة
بإيدك وسنانك
ومتحلش الفريسة
وفي قلب الوحل
لازم تلاقي الميزة
بقينا عايشين أكننا جوة
غابة



الجدير بالذكر أن بدأ "بابلو" حياته الفنية منذ عام 2014، واستمرت لمدة 5 سنوات، ودخل عالم الغناء من بوابة فرق "الأندر جراوند" وموسيقى الراب.


وعقب نجاح جماهيري كبير أعلن مروان بابلو، فى شهر مارس 2020 اعتزاله الغناء نهائيًا، وكتب على صفحته على موقع الصور "إنستجرام": هذا القرار رغبة منه في "المثول لطاعة الله".

وكتب بابلو على خاصية "ستوري" على "إنستجرام": "محدش يطلب مني أرجع تاني بعد إذنكم، أنا بتوب لربنا حاليًا، وبتمنى من ربنا إنه يتقبلها مني".


وأضاف: "وياريت أي حد سمعني وصدقني يعمل كده برضه، وربنا يسامحني ويهديني ويثبتني ويغفر لي، الموضوع مش قابل للنقاش، شكرًا لتفهمكم".

واختتم: "ربنا يسامحني ويهديني ويثبتني ويغفر لي".


على الجانب الآخر، المتابعون الأقرب لـ"بابلو" يعلمون أنه لم تكن هذه المرة الأولى التي يعلن فيها مروان بابلو، اعتزاله الغناء والعودة في قراره، ففي منتصف فبراير الماضي أعلن أنه ينوي اعتزال الفن، لكن عقب الانتهاء من الحفلات التي تعاقد عليها.

ولد مروان بابلو (25 عاما) في الإسكندرية، وانطلق من خلال نشر مقطوعات لأغاني راب، عبر السوشيال ميديا، ليكتسب شهرة عبر مواقع التواصل الاجتماعي.

وفي 2017، طرح مروان بابلو، أغنية "الغلاف - أوزريس" لتحقق صدى واسعا وتكون نقطة انطلاق اكتسب من خلالها جمهور أوسع من المهتمين بهذا النوع من الموسيقى، تعاون بابلو مع السادات، في عدد من الأغاني، كان من أبرزها وأشهرها "سندباد"، و"أبو مكة".


أغاني مروان بابلو تتصدر أحد برامج الموسيقى الشهيرة، واحتلت أغنية "ديناميت" المركز الثاني في قائمة "التوب 5" بأغنية شيراتون.
Advertisements
الجريدة الرسمية