نشطاء يفتحون النار على الحكومة بسبب الزيادة الجديدة بالأسعار.. أس أس: «بنزين 92 هايزيد 48 قرشا».. عمر: «نركب عجل أحسن».. أحمد: «أنا بقول نهاجر».. وطارق: «متى ستظل جي

وعلق أس أس بقوله: "البنزين 92 هايزيد 48 قرشا بعد الضريبة المضافة.. معترضين يا ريس مصر"، ورد شريف أشرف: "تطبيق الضريبة المضافة دي عشان نضمن رفاهية الشعب المصري.. ده كلام عضو في مجلس الشعب إمبارح... والله أنا مافاهم الكلام ده عشان محدش يسألني بس هو الكلام اتقال بالحرف كده"، وتابعت سارة أحمد بكري: "أنا بقول نهاجر أحسن".

زهقنا
وقال محمد رشدي درويش: "يالهوي احنا زهقنا بقى يارب يكون خبر غلط"، وأضاف عمر أشرف: "نركب عجل أحسن بقا!"، وعلق أحمد قاسم: "والله حرام إحنا سعر اللتر أغلى من السعر العالمى... يا حكومة ظالمة".

ورد محمد شحاتة: "أوحش حاجة في العالم إنه بعد رخص أسعار البترول أصبح سعر بنزين ٩٢ اللي هو ٢.٧٥ قرش هو نفسوا السعر العالمي للبنزين في العالم.. بس طبعا بعد انهيار الجنيه ووصل ل ١١ البيه عايز يحاسبنا على فرق السعر ده فزود الفلوس دي!!! ويرجع يقلك دعم وزفت".
وتابع محمد الكباري: "البنزين هيغلي تالت مرة... يعني الدنيا هتولع اكتر واكتر يارب طلعنا من البلد دي على خير".

حكومة ظالمة
وقال سعد عبد اللطيف: "دي أكبر حكومة ظلمة.. حسبي الله ونعم الوكيل"، وأضاف محمد جبالي: "واضح أن الحكومة والمجلس دول ناويين يجيبو ضرف البلد من أوسع الأبواب...".

وعلق طارق عبد المحسن: " قانون الضريبة المُضافة = معاناة مضافة للشعب!! إلى متى ستظل جيوب الفقراء هي المورد الرئيسى لدخل الدولة؟؟؟ والغطاء الأمن لفشل الحكومة في إيجاد موارد بديلة!! ‏لك الله يامصر".

ورد يامن شاهين: "ضريبة القيمة المضافة... أصحاب راس المال ميدفعوش الضريبة... والمستفيد من السلعة -المواطن العادي- هو إلى بيدفع الضريبة بتعبير آخر... انت إلى هتدفع الضرايب بالنيابة عن الشركات".

وتابع محمد سمير: "بص يا سيدى بقى قانون الضريبة المضافة الدواء حيزيد سعره 5%، البنزين اللتر حيزيد نحو 50 قرش وطبعا غير زيادة الكهرياء والمياه والغاز في خطة رفع الدعم الواحد مش عارف... الناس الغلابة تعمل ايه؟‬"
وتابع على عيسوي: "الحكومة هتزود البنزين 48 قرش للتر في حال إقرار الضريبة المضافة من مجلس الندامة... ما تضربونا بالنار احسن".