رئيس التحرير
عصام كامل
Advertisements
Advertisements
Advertisements

بالفيديو.. أم كريم تروي قصة كفاحها لتعليم أبنائها وطفل بالتبني

فيتو

عرض برنامج «مع الناس»، المذاع على فضائية «الحدث اليوم»، قصة سيدة تدعى «أم كريم» ووصفتها الإعلامية «الست المكافحة، لا تعرف المستحيل، زي الجبل واشتغلت كتير ومافيش في قاموسها معرفش أو مقدرش وخدت طفل يتيم تربيه مع أولادها الستة».


وقالت «أم كريم»، خلال لقائها بالبرنامج، إنها تعمل في توزيع أسطوانات البوتاجاز بالإسكندرية، وأصلها من منطقة بولاق أبوالعلا بالقاهرة ومن أسرة ميسورة الحال «عائلة كبيرة»، على حد قولها.

وتروى جكايتها، بداية من زواجها وسفرها لمحافظة الإسكندرية ثم نزلت الشارع للعمل وتبلغ من العمر 19 عامًا، حرمت نفسها من المتعة والزواج لتربية 6 أولادها وتعليمهم، على الرغم من أصرار زوجها على تعليم 2 فقط من أولادها، وقامت بتبنى طفل «27يوم»، قائلة: «الولد ده مفارق وأمه رميتوا وأنا خدتوا وهو عندى بولادى كلهم، وعلمتوا وربيتوا وبقى في خمسة ابتدائي».

وتابعت: «قبل سفرى لإسكندرية كنت بشتغل مع ستى لحد سن 15 سنة، في الموسكي على عربية بحصان، بأخد النشارة في الشوال وأربطها على كتفى وأدخلهم الأفرن وأوزعهم على المناطق كلها وبعدها أرجع البيت أجمع النشارة وأربطها وأروح أوزعها تاني».

وأوضحت أن فكرة بيع الأنابيب جاءت عندما ذهبت لشراء أنبوبة وأشترتها ثم قامت برفعها على رأسها وجاء أحد المواطنين لشراء أنبوبة وطلب منها المساعدة لشراء أنبوبة، ومن هنا جاءت فكرة لبيع الأنابيب عندما عرض بائع الأنابيب شغلها معه».

وأكدت:«أنا اللى شيلت عيالى وربيتهم ولا حتى جوزى ساعدنى في حاجة، ودلوقتي أتجوزوا ولو محتاجين حاجة بعملهم، أنا عاجبني شكلي وفاخورة بنفسي ومش مهم ألبس، أهم حاجة هم يتبسطوا ويلبسوا»، ونصحت كل زوجة قائلة: «لو جوزك ظروفه على قده متقرصيش عليه ولو تقدرى تنزلى تشتغلى، أشتغلى لأن الشغل عمره ما كان عيب، حتى لو هتلمي زبالة أو تمسحي سلالم أهم حاجة القرش يكون حلال».

Advertisements
الجريدة الرسمية