رئيس التحرير
عصام كامل
Advertisements
Advertisements
Advertisements

النشطاء يسخرون من تغيير أبراجهم الفلكية في «حوار الأبراج».. بيدو:أنام عقرب أصحي ألاقي نفسي ميزان..بسمة: شكل الأبراج بينها حوار غزلي..حسين: يعني أنا مش هبقي أسد تاني.. دودو:ليه بقيت برج حامل

فيتو



دشن نشطاء تويتر هاشتاجا ساخرا بعنوان "حوار الأبراج"، للتعبير عن رفض التحول عن أبراجهم التي اعتادوا عليها، وذلك بعد أن خرج عالم الفلك "بارك كنكل" بخريطة جديدة تؤكد تغيير الأبراج الفلكية، مشيرًا إلى أن التغيير جاء نتيجة خطأ العلماء في حسابات الحركة المدنية، وهي حركة نتيجة عن تفلطح الأرض وتأثرها بجاذبية الشمس والقمر، لتصبح الأبراج 13 برجا بدلًا من 12، وأضيف إليها برج جديد يسمي "حامل الثعبان"، النشطاء سخروا من تغيير أبراجهم الفلكية، مؤكدين التزامهم بأبراجهم القديمة، التي اعتادوا عليها منذ زمن.


كان متخدر

قالت مارينا وصفي: "أكيد اللي عمل حوار الأبراج ده كان متخدر وقال أما انكد ع الناس شوية وأغير أبراجهم".

وأضافت سلمي سراج: " مواليد 12 واجهوا صعوبة عقبال ما عرفوا ينطقوا "Sagittarius" تجيبلهم برج جديد ميتنطقش!؟ حوار الأبراج".

وسخرت ندي محمد: "هو برج الحمل بقى برج الحوت..سبحان الله اختلاف الشمس والقمر..حوار الأبراج.. الأبراج بتتغير.. برج الحمل".

وعلقت ميما ميرنا: "إيه الفكرة من تغيير الأبراج يعنى!! حوار الأبراج".

وقال محمود: " واضح إن فيه حاجات حصلت فى حوار الأبراج ده وواضح كمان إن محدش فاهم حاجة "حوار الأبراج".

وأضافت بسمة هوب:"شكل الأبراج بينها حوار غزلي".

كنت العقرب

وقال محمود طنطاوي: "أنا كنت العقرب بقيت الميزان.. حوار الأبراج".

وعلق حسين فايز: "إيه حوار الٱبراج يعني أنا مش هبقي أسد تاني".

وقالت ريم الجاسر: "يعني أنا طول عمري جوزاء يتغير فجأة يصير ثور؟ لا لو سمحتوا ما اقدر اكتب فالبايو انثى الثور".

وسخرت نها الفقي: " قال برج السرطان قال.. 31-7 أسد وهيفضل أسد.. حوار الأبراج".

وقالت بيدو صلاح: "يا أمي حتى القمر والنجوم بيلعبوا بينا، يعني أنا أنام عقرب أصحي ألاقي نفسي ميزان ف حوار الأبراج دا".

مها عبد الفتاح:"لا أنا امبارح اكون دلو انهارده ألاقي نفسي جدي لا ده انا اموت نفسي عليكوا.. حوار الأبراج".

ندي منتصر: " انا مش حمل انا تور انا مش كريم انا كرم.. حوار الأبراج".

آية: "حوار الأبراج ياريت يبقى في برج الكلب عشان في ناس كتير هتليق عليها في حياتنا".

هفضل ميزان

فيفيان هيرمينا:"برا عني الكلام ده..انا هفضل ميزان..عذراء إيه وكلام فاضي إيه.. حوار الأبراج".

محمود بانر: "أنا كنت ميزان وماشي ف أمان الله، فجأة لقيت العيال بتضحك عليا وبتقوللي يلالا يا عذراء".

شاهي: "مين قدي لسه حمل زي منااا".

كاتنس: "فيه حوارات تحس أن اللي مصدرها المجلس الأعلى للعالم كده".

دودو:"يعنى أنا مبقتش برج القوس بقيت برج حامل الثعبان؟؟!".

آية مصطفى: " طب أنا مبحبش برج الجدي، تخلوني برج الجدي ليه! حوار الأبراج".

روكية سامي: "أنا كنت سرطان وبقيت الجوزاء لااا مليش دعوة انا عايزة برجي أنا كنت بحبه وخدت عليه".

باسم غنيم: " يعنى اسيب السرطان.. دا عشرة عمر يجدعان مليش فيه أنا عاوز برجى بقي".
Advertisements
الجريدة الرسمية