يا مصر أتكلمي

شلاليت

على فين يا مصر؟ اتكلمي

ومن الزمان اتعلمي

نفسي أعيش يوم التقيك

في كل شيء تتحكمي


الكل طمعان يحكمك

حسب هواه ويلجمك

بكلام كتير وخطب تثير

وفي الحقيقة بيظلمك


يا مصر اصحي فتحي

ولكل طماع صحصحي

الثورة تصبح بين إيديك

لو بالشباب تتسلحي


الثورة مش رقص وهتاف

ولا ناس نشيلها على الكتاف

الثورة تغيير كل شيء

يجعلنا نسكت أو نخاف



يا مصر شعبك فاق خلاص

وكل ظالم تاه ولاص

وأقول لكل من افترى

لا بد يوم ييجي القصاص



آخر كلامي الشعب قام

بثورة ضد الانقسام

وكلنا عايزين نقول

الشعب يختار النظام