خالد سالم يكتب: ممكن المقادير؟!

عايز كام  كيلو اهتمام

إياك عليه بتغير

عاير مقدار الغرام

إياك من التبذير

في خلاط الهوى

ابعد عيون النوى

وهدِّي نار الهوى

اعصر تتبيلة كلام

وافرم عصارة سلام

وعصج أخلاقك تمام

ودوق بطرف اللسان

لا ملح زيادة ولا انقسام

وقلب الخليط برقة واحترام

عينك على عقرب الأيام

في ساعة الزمان

واحسب الوقت تمام

شوية شطة تزود الغرام

 والحب لو هان بدل الحبهان

ولا يهمك الطبخة تتكلف كام

في فرن الهوى تهوِّن الأيام

حافظ على طبخة الانسجام

واوعى تلسع إيديك

وخف شوية من الحمام

واقلي أحزانك في الغرام

وضيف بهارات الأيام

وشوية شربة الخبرة

تفحفح ريحة الأحلام

هو الطبيخ نوع من الهيام

والعشق الطاهي يبان

في الحب أشهى الغرام