نائب مدير مستشفى النجيلة يحذر من 6 عادات في العيد تؤدي لنقل عدوى كورونا
حذر الدكتور محمد علام نائب مدير مستشفى النجيلة للعزل من بعض الممارسات الخاطئة التي يقوم بها المصريين في العيد، راصدًا 6 ممارسات خاطئة يجب تجنبها في العيد بسبب انتشار فيروس كورونا المستجد كوفيد-19.
وكتب الدكتور محمد علام تدوينة على الفيس بوك "العيد والكورونا وليه عمال اقول العيد ممكن يكون كارثة".
طبيب يكشف الطريقة الصحيحة لصناعة الكمامات القماش | فيديو
واعتبر علام بعض عادات وتقاليد المصريين فى العيد تتسبب في كارثة ، ورصد 6 نقاط من العادات والتقاليد يمارسها المصريون في العيد ويجب تجنبها ، ومنها "الحلاقين طبعا كلنا عارفين المنظر بيكون ازاى قبل العيد ويوم الوقفه من زحام واختلاط ده كارثه.. وحلها محدش يروح يحلق بدون كمامه وأصحاب المحلات بلاش انتظار الدور داخل المحل وبلاش نقفل المحلات نخليه فيه تهويه جيده والانتظار خارج المحل ونحط كراسي بعيده عن بعضها كده امنت نفسك وامنت زباينك والناس هتبقى مبسوطه والله".
وأضاف علام "زيارة المقابر فى العيد عادة للأسف أغلب اهلنا بيعملوها بلاشها بالله عليكم زحمه وبوس واحضان وحاجات بتنقل العدوى".
أما التقليد الثالث فقال علام "المعايدة والزيارات العائلية كل أسرة تقفل على نفسها خافوا على نفسكم وعلى أهلكم مش لازم نزور أهلنا فى العيد ولو لا بد يكون كله لابس كمامة وبلاش بوس وأحضان ونقعد بعيد عن بعض مسافة".
وأضاف "الأطفال واللعب فى الشارع بكررها خافوا على أطفالكم تأثير عزل طفل بعيد عن أهله كارثة على نفسيتهم ويقدروا ينقلوا العدوى لأهلهم بسهولة والأعراض مش بتكون شديدة أن ظهرت أصلا.. خرج عيالك فى أماكن مفتوحة بعيد عن الناس ميختلطوش بحد وفرحهم جوه البيت".
وقال "الشباب وليلة العيد والتجمعات والسهر بدون الدخول فى تفاصيل خافوا على أهلكم".
وعن شراء الكحك قال "كحك العيد سواء عمايله مع جيرانكم أو الزحمة وانتم بتشتروه مش وقت عمايله مع جيرانا ولو هنشترى بلاش زحمة نشترى فى وقت الدنيا رايقه فيه ونلبس كمامة".
واختتم تحذيراته قائلا: "الحاجات دى هتحصل سواء حظر كلى او جزئى لأنها بتحصل فى الشوارع الجانبية وداخل البيوت ومش محتاجة مواصلات علشان تحصل فنركز اننا نوصل النصيحة لكل الناس اكتر من الهجوم اللى مش هيفيد بالله عليكم.. العيد فرحة يا رب نخلى الفرحة جوه بيوتنا بدل ما نفوق بعد العيد على كارثة أكبر والحزن يدخلها لا قدر الله".
