رئيس التحرير
عصام كامل
Advertisements
Advertisements
Advertisements

"ميدو" يطالب الحكومة بوضع سقف لعقود اللاعبين: "مش معقول اللاعب ياخد أكتر من الطبيب"

ميدو
ميدو

طالب أحمد حسام "ميدو" المدير الفني السابق لمصر للمقاصة، عبر حسابه الرسمي على موقع "تويتر”، بضرورة وضع سقف لعقود اللاعبين والمدربين في الدوري المصري. 

 

ويرى ميدو أن الدولة لابد أن تقوم بتعديل في الموازنة العامة، على أن يتم تخصيص الجزء الأكبر للصحة والتعليم، مطالبا بتحقيق العدل بين فئات المجتمع. 

 

اقرأ أيضا: 

التحقيق مع إبراهيم نور الدين في شكوى جريشة 

 

وكتب  ميدو: "أكثر حاجه لازم الدولة تتعلمها إن لازم يحصل تعديل في الموازنة العامة لازم الصحة والتعليم يتخصص لهم نسبة أكبر بكتير لازم يتم تخفيض عدد الموظفين الحكوميين لازم الفلوس اللي بتتصرف على الكرة والإعلام والفن يتم تخفيضها بشكل كبير.. لازم بتعمل سقف مرتبات للاعبين والمدربين والإعلاميين". 

 

وأشار عبر صفحته: "ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم.. وهنا الموضوع مش موضوع أرزاق.. موضوع عدل. لازم يبقى فيه نسبة وتناسب.. لازم نستغل الظروف اللي بنمر بيها وحاجات كتيره تتعدل". 

 

وتابع: "مثلا ماينفعش لاعيب أو مدرب في الدوري المصري المتواضع جدا فنيا يكون دخله مئات أضعاف العاملين في القطاع الصحي والقطاع التعليمي بالذات.. آه لاعيب الكورة والمدرب لازم يتم تقديره بشكل جيد لأنها موهبة ومهنة صعبة جدا لكن الفروق لازم ماتكونش بعيدة أوي كده". 

 

وأضاف : "مثلا زوج اختي دكتور مخ وأعصاب في مستشفى كبير جدا وعندما علمت عن دخله السنوي صعقت.. ازاي واحد درس سبع سنين طب موت نفسه فيهم وبيشتغل أقل حاجه ١٦ ساعة في اليوم يكون ده دخله.. على فكرة ده الوضع في العالم كله مش في مصر بس.. في رأيي ان كل ده لازم يتغير". 

 

واختتم: "لازم الوزير أشرف صبحي والأستاذ عمرو الجنايني يشتغلوا آه مفيش عقد لأي لاعب أو مدرب يتم اعتماده إلا بسقف معين يزيد كل ٣ سنوات السقف ده ١٥ ٪.. الأندية المصرية كلها بلا استثناء بتخسر ملايين.. وإيه العائد؟ مفيش أي عائد.. دوري تعبان من غير جمهور بيفرز ٢ أو ٣ لاعيبة مميزين كل موسم".

Advertisements
الجريدة الرسمية