الأربعاء 8 أبريل 2020
رئيس التحرير
عصام كامل

خالد سالم يكتب: الكورونا

خالد سالم
خالد سالم

الكورونا



مفيش منه محروس

خطر

على كل الناس

والنفوس

وبلدنا والإحساس

ده يلم ويدوس

والعرق يقولوا

دايما دساس

من الصين لمكناس

وفي باريس لتكساس

تضرب أخماس

في أسداس

من السبت للخميس

تركب تاكسي

أو أتوبيس

أو محشور

في السرفيس

لاتقف جبال 

قدامه ولا تضاريس

خللى الناس محابيس

اقرأ أيضا..

الصحة العالمية: قرارات حظر التجول فردية لكل دولة لمنع انتشار كورونا

عارف طريقه

دخل مع الشيشة

مخدرات وتحشيشة

خف تخميس

خف الوزن

شوية تخسيس

لا  حقن نافع

ولا دبابيس

زي اخوه سرسيس

وز الناس على التهييس

كترت ذنوبنا في الترابيس

سيس خرسيس

على رأي الخواجة سركيس

آه.. ملعون إبليس

مين الأخطر علينا

كورونا الفيروس

ولا عبده موته الكابوس

ولا المطرب شاكوش

وفن هابط وتهييس

واستيراد فسافيس

ضمير نام مع الهكسوس

ولا نوم ولا وقفة

والقاعدة قرافيص

ونام كل الأسبوع والخميس

نبعد شوية عن التهجيص

والضمير يرجع للتمحيص

العلم مش في الراس

دايما في الكراس

بالتفكير مش محتاس

ونزود الرحمة والإحساس

نكسب قلوب الناس

ونكون للوطن حراس

Last Update : 2020-03-19 01:13 PM # Release : 0067