طالبات ثانية ثانوي: امتحان الكيمياء سهل واللي بيقولوا الامتحانات صعبة بيأفوروا | فيديو

أكدت طالبة بالصف الثاني الثانوي بشعبي علمي بلجنة مدرسة عائشة أم المؤمنين بمنطقة شبرا الخيمة عقب انتهائها من أداء امتحان الكيمياء للفصل الدراسي الأول للعام الحالي 2019-2020 بنظام التابلت علي سهولة الامتحان قائلة: ”حلو بس محتاج تفكير“.

وأضافت قائلة: ”في ناس كتير بتقول الامتحانات وحشة بس فعلا الامتحانات عادية محتاجة تفكير“، وأضافت طالبة أخرى: ”فعلا الامتحانات بتحتاج كبير وبيجبوا أجزاء كبيرة من المنهج في طلاب أوفر وبتمثل ومن أول الامتحانات وهي سهلة ولو فهموا السؤال كانوا هيعرفوا يحلوه أصلا“.

اليوم.. طلاب أولى وثانية ثانوي يؤدون امتحانات الجغرافيا والتاريخ والكيمياء

وتابعت: ”أكيد كان في أسئلة صعبة ووقفت معايا بس لما فكرت كويس وربطها مع المنهج عرفت أحلها والمشكلة أن في أسئلة بتجيلنا غلط بس النهاردة مكنش فيه مشاكل“.

وقالت طالبة ثالثة: ”الامتحان كان سهل وكويس والأغلبية من الكتاب وكان في سؤالين صعبين بس لو ركزنا هنحلهم والأسئلة اختياري“.

يذكر أنه يؤدي قرابة مليون و300 ألف طالب وطالبة امتحانات الترم في الفترتين الصباحية لطلاب الثاني الثانوي، والمسائية للصف الأول الثانوي بشكل ورقي.