صلاح رشاد الصعيدى يكتب :الفلاح ..قصيدة

الفلاح عايش محتاس . وبيضرب اخماس فى اسداس

والمحصول خاب وادمر .والفاس وقعت فى الراس.

طول عمره عايش محروم .بيسامح ويبات مظلوم..

ويقول يارب استرنى .ويصلى ويدعى وبيصوم

الاسعار زادت ميه .ولما يبيع زى مهيه.

ولا هو موظف ولا. تا جر .ولا هو زى الحرميه

الفلاح عايش مقهور .وعقله يلف وبيدور

ومنين هيجبب وهيدفع. فواتير الميه والنور .

الفلاح بقى متمرمط .وبتشال وبيتمطط.

ولاحد بيسال ماله .والحكومه بتستعبط

.

الفلاح هيبيع ارضه .ماهو كله محصل بعضه.

وهيمشى زى عواد. يا سلام على طوله وعرضه.

الفلاح عايز  اصلاح.  .وينام وباله مرتاح

ويرجع تانى يغنى .محلاها عيشة الفلاح

محلاها عيشة الفلاح .