الجمعة 21 فبراير 2020
رئيس التحرير
عصام كامل

خالد سالم يكتب: عم إبراهيم (قصيدة)

خالد سالم
خالد سالم


عم إبراهيم
راجل قديم
كان خراط
بدأها من البلاط
اتجوز اتنين
جاب بنتين
بيتكلم لغتين
عم إبراهيم
عقله سليم
وصل السبعين
إلا شهرين
بيصلي فرضه
ويصوم شهره
وحج بيته
عاشق الراديو
يقلب موجته
وطِّى ياجدو
الصوت عالي
يا حلوة تعالي
عايز شاي في الكوز
هههههه
راجل عجوز
بيقولوا
مناخيرى قد الكوز
والدنيا حظوظ
بلي وكازوز
في البحر كنوز
عند الجزار
ضاني وكندوز
نلوي البوز
عم إبراهيم
صديقي الأنتيم
خبرة
وعبرة
ناقل حكمة
اسأل كتير
علم غزير
الأهرام بين إيده
اتعلم في كتاب سيده
يا دوب يقرا
بالعافية شايف
ولا انت خايف
تعالى يا إبني
نعللى ونبني
جسر الحوار
طول النهار
عم إبراهيم
عامل ريجيم
ياكل نبات
وبدري يبات
يسمع فيروز
وبالسعي يفوز
عم إبراهيم
راحت أيامك
فقدت حنانك
حكمتك
وكلامك
خالي مكانك
في الجنة عنوانك
عم إبراهيم
كان فكره سليم
كان خبرة وتعليم
رحمة الله عليك
جيل عظيم



Last Update : 2020-02-20 09:45 AM # Release : 0061