رئيس التحرير
عصام كامل

خالد سالم يكتب: المعاش.. إن عاش (قصيدة)

خالد سالم
خالد سالم



فاقد المرتب
صاحبك طلع معاش

الشيخ المؤدب
دخل مرحلة الإنعاش

الشيك والمرتب
والعمر ولى.. وراح بلاش

الجسم كركب

والصحة ما تتسماش

والعمر سراب
والخبرة ما تلزمناش

المعاش اتكهرب
والعلاوة صابها انكماش

مافي مهرب
والمكنة بطلت قماش

الزمن اتسرسب
والصوابع صابها الرعاش


كنت عم الشباب
أصبحت رب معاش

والدفتر والحساب
والرصيد راح ماجاش


السرير مكسر والدولاب
حوش يا حواش


الكفتة والكباب
دلوقت أكل مسلوق
وكمان خواف


الأحلام بقت سراب
والصيام دايم
من غير خشاف


واقف عند الباب
ألاقي كشوف حساب

الرحمة حلوة
فين الأهل
لا صديق ولا أحباب

الدوا غالي والنظر كداب
أدوَّر على الأكل
ألاقيه في الدولاب

والهدوم ناسيها عند البواب
والمعدة صابها التهاب

وما حد يسأل
أتاري التليفون كداب

محتاج رعاية
واهتمام
مش بقدر انام
أنا بشر
من الأنام
قدمت كل عمري
والنهاية قربت
عايز أعيش بكرامة
وعزة مش مجرد كلام
Advertisements
الجريدة الرسمية