الأحد 23 فبراير 2020
رئيس التحرير
عصام كامل

رامي جمال: "هعمل أغاني وحملات توعية عن البهاق"

رامي جمال
رامي جمال


وجه المطرب رامي جمال، رسالة توعية لكل متابعيه عبر صفحته الشخصية على موقع التواصل الاجتماعي "فيس بوك"، أوضح خلالها أسباب الإصابة بمرض البهاق.

وكتب رامي: «تعالوا كل يوم نعرف حد حاجة عن الموضوع ده.. أولا ده مش مُعدي، وده بيبقى نقص في الخلايا الصبغية، وده مرض مناعي لو اترفضت في شغل بسببه ابعتلي، ونعرَّف الناس اسم المكان اللي مفيهوش إنسانية».


رامي جمال موجها الشكر لداعميه: الحب بينور الدنيا ويرجع الروح
وأضاف: «لو انتي أو انت اترفضتم من اللي هتتجوزوه بسببه انتم الكسبانين.. ‬اللي يبص على لون جلدك قبل لون قلبك إنسان فاضي ميتعاشرش.. لو فيه مدرسة وأصحابك مش فاهمين ده إيه متزعلش، احنا نعرفهم ده إيه.. المدرسين يعرفوهم ده إيه، وأكيد هيقدروا أن ربنا ميزنا.. البهاق مش مرض.. البهاق ترجمة توتر وقلق وضغط، فياريت كل الناس اللي عندها يبقى عندها الحظ اللي شفته منكم والدعم اللي شفته منكم، من ساعة ما كتبت والتليفزيون مبيتكلمش غير عليا».

وتابع: «نجوم الحلقات دكاترة جلدية مشكورين عرضوا علاجي، وانا باقول لكم كتير أولى مني بالعلاج المجاني، وشايف ناس بدأت حملات توعية.. آه متأخرين، بس كويس انهم بدأوا، أنا مش هاسكت وهاعمل أغاني وحملات توعية عنه، ومش هاسكت إلا لما يبقى البهاق من علامات الجمال.. انتو طمعتوني بالتحضر والرقي اللي شفته وبقت مسئولية اني أنجح وابقى صوت لكل اللي اتميزوا بيه وادعمهم وأشوف فرحتهم زي ما فرحتوني».

وكان النجم رامي جمال أعلن منذ أيام قليلة عن إصابته بمرض البهاق وتفكيره في اعتزال الفن، وهو الأمر الذي أحدث حالة كبيرة من الجدل على مواقع التواصل الاجتماعي، وطالبه محبوه بالتراجع عن ذلك القرار.



Last Update : 2020-02-20 09:45 AM # Release : 0061