أمير السكري يكتب: خبر كان

مش عايزه منك عتاب... مش عايزه منك كلام
مش عايزه منك كلمه تدبل بعدها ورق الشجر ده حياتى معاك فوق احتمال البشر
قبل ما تسأل على عهدنا اسأل على الحلم اللى انكسر
على حلم بدأناه من سنين وقت ما كان فيه أمل
يا خسارة ضحيت يا خسارة مليت من كل البشر
مليت من كل حاجة خلتنى اترحم على عهد البشر
وعلى ذكرى حلوة كانت بينا في ساعة صفا
ويا القمر

مش عايزه منك أي عتاب
مش عايزه منك أي كلام
كفايه

انت حبك كان نهاية لكل شيء بينا انكتب
ياريته كان حلم ياريت مكان لى قلب وقتها.
ندائى عاجل للزمن ألغى من صفحاتك قصة حب شالت من جوايا آخر طاقة أمل
حبيبى!! قصدى اللى كنت حبيبى العتاب وقته انتهى والجراح هيجيله يوم وينطفى وهعيش لنفسى يومين.. بره عذاب الضمير.. بره الألم

خلص الكلام وهنزل الستار على مسرحية كانت خيانتك فيها البطل... خيانتك فيها البطل