خالد سالم يكتب: مش هخاف عليكي يا مصر
مش هخاف عليكي يامصر
واخاف ليه؟!
وقلبي فيكي مطمن
حتى والشر ناوي يتمكن
ورافع رايته متسكن
والغل طفح مرارته
وبيركن
يا أم العرب والأصل
وأم الدنيا
يا صابرة
يا قاهرة الجبابرة
فين الهكسوس والرومان؟!
فين الإنجليز والألمان؟!
انتي للبلاد والعباد عبرة
والعدو سمه في صمته
مش بخاف عليكي يامصر
واخاف ليه؟!
وربي قاسم حاميكي
واصغر واحد فيكي
مشروع شهيد ليكي
وبعمري أفديكي
مش بخاف عليكي يامصر
واخاف ليه؟!
وانا عندي جيش
درع وسيف
غيره مليش
جنوده وحوش
عدوه فشوش
مش بخاف عليكي يامصر
واخاف ليه؟!
وولادك شغالة
فوق السقالة
أمهر عمالة
في عز القيالة
للشقى حمالة
سواعد رجالة
مش بخاف عليكي يامصر
واخاف ليه؟!
وحافظك ربك
شق فيكي بحرك
وخر لنوره جبلك
وفي قرانا حارسك
يا مصر
انتي النور
والبهجة والسرور
وعشق النيل المسحور
مهما نلف
مهما ندور
انتي عروسة كل العصور
وبرغم كل ده
بخاف عليكي يامصر
