خالد سالم يكتب: أول يوم في المدرسة

صحيان بالعياط
صبيان وبنات
صراخ وسكات
مبنى كبير
وعيال كتير
حرس وغفير
طابور طويل
فصلك فين ؟!
أولى رابع
ياللا بسرعة
لا مش طالع
فين مكاني ؟!
آخر صف
نظرى ضعيف
لا يا أبلة
أنا طفل لطيف
ونحيف
شنطة تقيلة
كتب وكراريس
فسحة تهيص
كبير الحوش
وعيال وحوش
ومدرس بالخرزانة
يضرب.. أجري
ما حد يحوش
خديني يا ماما
نادية تيل المريلة
وجزمة باتا
وشراب
ولعب في التراب
وقلم رصاص باستيكة
كراسة مربعات أنتيكة
وسطر وسطر
وأقلام وبريات
وشوية حاجات
نستو سندوتشات
مدرسين ومدرسات
صحيان بدري
من بيت دافي
لفصل بارد
والسعادة ماتت
من الصيف اللي فات
مفيش لعب
ولا دلع
بجري
بكعبل
و.... أقع
جرح في الراس
أول يوم
دم يغرق الهدوم
طول اليوم
طفل بريء
مهموم
آخر حصة
أجري بخفة
انزل جري
أمي تاخدني
أرجع بيتنا
أعمل واجب
عاجز
هارب
بكرة وبعده
برضة مدرسة
حتى نهاية الأسبوع
السبت يوم العذاب
الخميس هو الجواب