الثلاثاء 25 فبراير 2020
رئيس التحرير
عصام كامل

قصائد بيرم التونسي في عيد الاضحى والخروف

بيرم التونسى
بيرم التونسى


كتب بيرم التونسى (رحل عام 1961) لعيد الاضحى قصيدته "القلب يعشق كل جميل" التي لحنها رياض السنباطى وغنتها أم كلثوم بصوتها عام 1972 وتقول كلماتها:
القلب يعشق كل جميل.. وياما شفت جمال يا عين
واللى هويته اليوم.. دايم وصاله دوم
لا يعاتب اللى يتوب.. ولا في طبعه اللوم
واحد مفيش غيره.. ملأ الوجود نوره
دعانى لبيته.. لحد باب بيته
مكة وفيها جبال ونور.. طلة على البيت المعمور
دخلنا باب السلام.. غمر قلوبنا السلام
جينا على روضة.. هلا من الجنة
فيها الأحبة تنول.. كل اللى تتمنى
ياريت حبايبنا ينولو.. كل اللى تتمنى
يا رب توعدهم يار ب.. يا رب واقبلنا.
 
أيضا للشاعر الساخر بيرم التونسى قصيدة نشرتها مجلة البعكوكة عام 1948 عن خروف العيد قال فيها:
في كل عيد للبنى آدمين خروف ياكلوه
وبعد مايغذى لحمه لحمهم ينسوه
وياما غيره في غير العيد خروف ضحوه
فلاح يجاهد ومن حق العلف حرموه
عاما إذا استغنوا عن مكسب إيديه رفدوه
مريض في المستشفى من قبل الشفا طردوه
يتيم قرف من أبوه من كثر لعن أبوه
طفلة حياتها الجمال باللقمة يستحيوه
ضحايا من جنسهم من غير ثمن دفعوه
وكل عام واحنا وأنتم طيبين ياهوه



Last Update : 2020-02-24 10:22 AM # Release : 0062