ياسمين عبد العزيز: كان نفسي أبقى ظابط مش ممثلة (فيديو)

قالت الفنانة ياسمين عبد العزيز: إنها كانت تلميذة مشاغبة للغاية في المدرسة، وكانت تفرض سيطرتها على زملائها من الذكور والإناث، مضيفة: "وانا في المدرسة كنت بضرب العيال ولاد وبنات.. وكنت بترفد كل أسبوع وماما عمرها ما عرفت اني بترفت.. وفيه واد مسكني مرة روحت مدياله".

وتابعت خلال برنامج "معكم"، المذاع على قناة "سي بي سي"، تقديم الإعلامية منى الشاذلي، أنها اشترت أول سيارة من مالها الخاص في عمر الـ15 عامًا، لافتة إلى أنها لم تكن وقتها قادرة على القيادة، لذلك وقعت في حادثة واصطدمت بسيارة إسعاف.

وأكملت: "أول إعلان أخذت فيه 250 جنيه.. وبعدين ابتديت آخد خمستلاف جنيه لحد ما أخدت شنطة المدرسة وحطيت فيها الفلوس عشان أحطهم في البنك واجيب عربية".
واستطردت: "لما اشتغلت من وانا عندي 12 سنة بقيت اصرف على نفسي عشان أمي كانت منفصلة عن بابا فحبيت أقلل المسئولية عنها.. وانا أصلا مبحبش التمثيل.. كنت عايزة أبقى ظباط مش ممثلة وسألت وقالولي مفيش ضابطات من النساء".

ياسمين عبد العزيز تكشف سر رفضها الظهور التليفزيوني لأكثر من 17 عاما