نجل مصطفى متولي: "أبويا كان راجل مستور وماسبليش فلوس لما مات"
أحيا الفنان الشاب عمر متولى، ذكرى وفاة والدة الفنان مصطفى متولى، حيث نشر مقطع فيديو عبر حسابه بموقع الصور "إنستجرام" يتضمن بعض المشاهد من أفلام والده الراحل.
وعلق متولى على الفيديو قائلًا: "أنا أبويا كان راجل مستور وكريم لدرجة غريبة، فماسبليش فلوس لما مات بس سابلنا "أنا وأخواتى" حب الناس والسيرة الطيبة وده أحلى ميراث ممكن أب يسيبه لأولاده".
عمر متولي يغازل مي عز الدين ويشيد بمسلسلها «البرنسيسة بيسة»
وأضاف "مش هعرف أوصف الصدق والحب اللي بشوفه ف عيون الناس لما بيعرفو إنه أبويا، ولا الإجماع على إنه كان إنسان جميل من كل الناس "إجماع مبيحصلش حتى على النجوم الكبار" ولا في وقت أحكي أد إيه الميراث ده فأدنى أكتر من أي فلوس كان هيسيبها".
وتابع "كل اللي أعرفه إنه واحشني أوي وإن النهارده ذكرى وفاته، من فضلكم اقرأوا الفاتحة لأبويا الله يرحمه ويجعل مثواه الجنة".
يذكر أن الفنان مصطفى متولى رحل عن عالمنا منذ 19 عامًا، ومن أشهر أعماله بخيت وعديلة، مسجل خطر، حنفى الأبهة، لن أعيش في جلباب أبى، وغيرها.
