قصيدة لـ"خالد عبد المعطي" لدعم المنتخب بامم افريقيا

حلوة الفرحة وأحلى ما فيها
لما في عين الناس تلاقيها..
..
وأما الحلم اللى حلمناه
يبقى حقيقة الناس تحكيها..
..
قولنا على الله جبر خاطرنا
وربك الصابرين بيجازى..
..
وسلمنا للمولى مصيرنا
ودعينا لجنش وحجازى..
..
والننى وجوده مطمنى
في الشبكة الكورة هتغنى..
..
مع طارق الملعب فارق
تسلملي يا مديرنا الفنى..
..
في فريقنا عبد الله سعيد
ومروان بيباصى لوليد..
..
تريزيجيه في أحسن أحواله
واهو أيمن جاهز بشماله
وعمورة أبو رجل حديد..
..
أبو صلاح ملك الناحية دى
من رجله لرجل محمدى
وأبو جابر يلعب ع الهادى
لعيبة والإيد في الإيد..
..
احنا لأفريقيا ملوك الكورة
ياشناوى خليك أسطورة..
..
نتجمع وفي أجمل صورة
يا بلدنا ياما فيه مواعيد..
هترفرف أعلامك فيها..
..
حلوة الفرحة وأحلى ما فيها
لما في عين الناس تلاقيها..
..
وأما الحلم اللى حلمناه
يبقى حقيقة الناس تحكيها..