"أهلا بيك" أغنية جديدة لأبو الليف احتفالا ببطولة أمم أفريقيا

طرح المطرب نادر أبو الليف، أغنية جديدة "أهلًا بيك"، بالتعاون مع "The Music hub"، احتفالًا ببطولة كأس الأمم الأفريقية، والتي تقام في مصر، حيث يتم إذاعة الأغنية حصريا عبر إذاعة "نجوم. إف. إم"، من كلمات السيد علي، وألحان وتوزيع رامى المصرى.


وتقول كلماتها:
أهلًا بيك في بلدنا الحلوة السمرا بلد الحضارة
اطمن أنت في وسط شعب كله طيبة وعنده أصالة
إحنا أول تاريخ نور.. أرض الدنيا بحالها
يا رب احفظها وانصرها على مين يعادي ولادها
مصر أم الدنيا كل الدنيا دي عينها عليها
إيدي في إيدك هنتجمع ونشجع ورُوحنا ليها
مصر أم الدنيا كل الدنيا دي عينها عليها
بعون الله هنكسب وصوتنا يعلا بطولتنا وهنفوز بيها
أهلاوى وللا زملكاوى أو سموحة أو دجلاوى
إسمعلاوى مصراوى اتحاداوى ومحلاوى
علم واحد يجمعنا.. مصر
منتخبنا هيمتعنا.. مصر
والعالم راح يسمعنا بنشجع بلدنا مصر