الثلاثاء 28 يناير 2020
رئيس التحرير
عصام كامل

شلاليت عم فريد طه


ترامب بعت لي شيك بميت مليون جنيه
وقال لي بلاش كتابة يافريد ماتقولش ليه

أمريكا دولة عظمي من غير نعم أو إيه
واسمع يافريد كلامي اللي بأقول عليه
0000000
أنتم وسط المعارك في حروب وبدون لزوم
وكل يوم تقولوا عايشين بين الهموم
مع إنكم جميعا نايمين في أحلي نوم
رافعين سلاح معارك كلام ضد الخصوم
0000000
وأمريكا فاهمة جدا أنتم رايحين لفين
وكل من يعارض ناصبين له الكمين
ورافعين أسلحتكم في كل الميادين
كأنكم يا سادة للحرب مخلوقين
00000000
وأظن الكل عارف ترامب معاه سلاح
والضرب عنده جاهز مع الجميع مباح
والاعتراض ضروري وكل شيء متاح
لكن بسلاح أمريكا الكل في انبطاح
00000000
ترفع علم أمريكا تصبح زعيم كبير
والناس نسمع كلامك حتى لو كان خطير
ولو ترفض يا شاطر إلى الجحيم تصير
فاسمع مني النصيحة وعيش أخرس ضرير
0000000
ياعم ترامب حاضر رايح أسمع الكلام
وبدون تهديد يا سيدي لجميع كل الأنام
أنا مش رافض كلامك وكل شيء تمام
والعالم كله واقف يضرب تعظيم سلام