ساخرون.. شكوكو يحلم برئاسة العالم

عايش أحلم أبقى رئيس
للعالم وجيوش وبوليس
وأبقى ما بين الكل عريس
وأفرج عن كل المحابيس
وأفتح لك كل الترابيس
وأعمل لك تمثال رمسيس
00000000
أنت في عالم به صراعات
ومعارك بين القارات
وتقدم علمي وخرافات
وبلاد فيها شعوب أموات
من أجل السلطة ياحضرات
مع شدة بطش الأزمات
0000000000
لو تسألني أقول مش عارف
أعمل إيه وأنا عايش خايف
وسط الناس للتدمير شايف
والحكام عايشين في وظايف
اسمها سلطة وتنظيم زايف
في اجتماعات سياسات وطرايف
0000000000000
يبقي ضروري أبقي رئيس
وأرفض كل كلام تدليس
وأعلن حرب على الجواسيس
وأرمي أمريكا وروسيا في كيس
يبقي العالم كله حبيس
وأعيش في الأوهام وأهيص
وسط نظام تحت التأسيس