رئيس التحرير
عصام كامل
Advertisements
Advertisements
Advertisements

اتعلمي.. قصيدة جديدة لـ«عزة صبحى»

فيتو

لسه برضو بتحلمى

لسه بخيالك بتسرحى

لسه جواكى المساحة

للأناقة والسعادة؟

لما تيجى تغمضى!

لسه قادرة تتأملى؟


في الطيور قبل الغروب

لسه فيها بتوصفى!

لسه ف معانى الحاجات بتسألى!

وعلى كل شىء بتطبطيى!

وتحسسى على كل كلمة

قبل ما بيها تنطقى!

اتغيرى واتعلمى

إزاى ف لحظة تجرحى

إزاى تثورى وإزاى تقولى

رافضة لكل همسة

فيكى لامسة جرح في قلبك

وعايشة بيها تتعذبى

أصرخى وبكل قوة صرحى

بالمكنون والمخبى

متجيش على نفسك وتتعبى

وجوه روحك تغضبى

ولا أقولك

انسى ده كله وارجعى

لذات الحلم وافرحى

اجرى غنى وألعبى

بس أرجوكى فتحى

واتنصحى

حتى وانتى بتحلمى

اوعى تانى تغمضى!!
Advertisements
الجريدة الرسمية