شلاليت عم فريد طه

سنة كبيسة ومرت كلها صراعات
بين القوى والضعيف في كل الأوقات
وكل يوم في السنة أزمات وراء أزمات
والمعترض يعتبر في عالم الأموات
0000000
أوروبا عايشة صراع السادة والأمراء
وآسيا فيها دول عايشة بدون أصداء
وأما أفريقيا بين الكل في إعياء
وأمريكا بين الجميع إشعاع له أضواء
000000
وهكذا مر عام على جميع الناس
وسط القتال والحروب والكل في إفلاس
ولو تقول معترض يا محترم تنداس!
بلا مشاعر ولا شفقة ولا إحساس
00000000
الحمد لله لربي الرازق الوهاب
لسنة كبيسة جديدة تطرق الأبواب
والكل قاعد بيحسب فيها ألف حساب
لعلها تكون رحيمة ليس فيها عذاب
000000
يارب استر طريق كل الدول فيها
وتكون سنة ربنا للخلق يهديها
وتمر من غير حروب وكروب نعانيها
وبالسلام والوئام ربك يعديها
00000000
فيه حد عايز يقول حاجة لعام ماضي
بيقول لكم بالسلامة أنا أصلي مش فاضي
سيبوني أمشي وأنا مبسوط ومتراضي
وعن جميع سيئات الكل متغاضي