«طريقنا واحد».. مبادرة من أهالي البدرشين لحل أزمة المواصلات
تعتبر مشكلة المواصلات من أكبر المشكلات التي تواجه أهالي مدينة البدرشين بمحافظة الجيزة، ونظرا لعدم وجود حلول متوفرة في الوقت الحالي، ابتكر أهالي المدينة حلا يخلصهم من أزمتهم في توافر المواصلات على قدر الإمكان.
"طريقنا واحد" مبادرة أطلقها أهالي مدينة البدرشين لحل أزمة المواصلات داخل وخارج المدينة، عن طريق اصطحاب قائدي السيارات الملاكي لمن هو في نفس طريقه من أهالي المدينة، فيقول صاحب المبادرة، محمد الدالي: "ناس كتير بتمشي بعربيتها فاضية ليه ميركبش حد معاه؟ عشان كدة أنشأنا جروب طريقنا واحد، هتكتب مشوارك منين لغاية فين بشرط تكون البدرشين في طريقك سواء معاك عربيه أو لا وتحدد ميعاد التحرك، ولو انت معاك عربية اللي في نفس طريقك يركب معاك ولو مش معاك لو انت في طريقه تركب معاه".
وأكد "الدالي" أن الخدمة مجانية تماما فهى مجرد مساعدة لبعضهم البعض داخل المدينة، مشيرا إلى أن "الجروب" مجرد وسيلة تمكن الناس من مساعدة بعضها، لافتا إلى أنه يمكن للأهالي تأمين أنفسهم، قائلا: "من حقك مثلا تطلب من اللى هيركب معاك يبعتلك صورة بطاقته وممنوع بنات تركب مع شباب والاتفاق دايما يكون على الجروب مش على الخاص، وخلى التفاصيل هي اللى على الخاص زي مكان المقابلة والمعاد بالضبط".
ولاقت مبادرة "طريقنا واحد" تفاعلا كبيرا من أهالي البدرشين، وبالفعل انضم للجروب الخاص بالمبادرة آلاف المواطنين، والعديد من أصحاب السيارات الذين يشاركون طريقهم وسياراتهم مع الغير.
