رئيس الزمالك عن شطب حازم إمام: «القانون مفيهوش زينب» (فيديو)
قال رئيس نادي الزمالك، إن النادي يتعرض لمؤامرة، معلقا على قرار شطب عضوية الكابتن حازم إمام من النادي، بقوله: «القانون قانون واللائحة لائحة، والقانون مفيهوش زينب ولا حازم إمام».
وأضاف في مداخلة هاتفية لفضائية «الحدث اليوم»: «محدش يقدر يزايد على حب مرتضى منصور لعائلة إمام، بدءا من الجد والراحل حمادة إمام اللى زارنى في قريتى أكثر من 15 مرة، ولم يتركنى في أي مؤتمر انتخابى سواء للبرلمان أو غيره، ولكن حمادة إمام حاجة والبيه بتاع ممدوح عباس حاجة تانية.. اللى اسمه حازم».
وتابع: «أنا اللى جبت حازم إمام من نادي الصيد للعب في نادي الزمالك، وأنا اللى جبت حازم إمام مديرا لكرة القدم في النادي أثناء فترة تولى ميدو تدريب نادي الزمالك.. حازم إمام طول عمره ضد نادي الزمالك ومع ممدوح عباس».
