نصر فتحى اللوزى يكتب: المقاطعة سيف واجب
يا ترزى فصل الجلابية ليا وبلاها الجيوب
معاشى بيموت يوم ميلاده عاجز ومغلوب
طلب والتانى يهجر جيبى عاشق الهروب
ناديت عليه رد من بعيد.. أنا حقك المنهوب
********
قوللى يامعاشى ليه الميزان بالعدل مقلوب؟!
فاكهة الموسم قلبى منها زعلان ومرعوب
عنيا تشوف شمس الصبحية كأنها الغروب
مش عارفة تفرق بين البطاطس والخروب
**********
الكلفة تاج براءة كالذئب من دم ابن يعقوب
إنه الطمع بعباءة حلف مع إبليس مرغوب
بلاها خليها تعفن.. الحلو فيها يبقى معطوب
وتبقى في الزبالة.. ولا تتحول لمشروب
**********
واجب نبقى قرار واحد.. سيف أقوى وجوب
نقاطع كل زيادة الأسعار.. والمستغل منكوب
السمك يبات يعفن.. ابن اللئيمة بيته مخروب
البيض يبات يمشش.. يناديه الخراب مندوب
**********
بلاها لحمة تخللي الجزار يخاف ربنا يتوب
خللى المقاطعة سيرك عليهم بالهم منصوب
ملعون حلف الضلال وكل غموس وكذوب
ياما متدين فاسد.. يوم القيامة للنار مطلوب
*********
تعالوا نقاطع الاستغلال بنفس طويل دؤوب
نلاقي نزول الأسعار حل مفيش منه هروب
بلاها أسعار مجنونة.. تحت عزيمتنا رسوب
إرادتنا تدخل خير علينا.. زي البقرة الحلوب
*********