المعلم هريدي يكتب: نشرة أخبار «مهيس ولا متيس»

الكهرباء: ننتظر موافقة الوزراء لإتمام التعاقد مع شركة قراءة العدادات.. وكما عرف الشعب أن ذلك سيؤدي إلى ارتفاع أسعار فواتير الكهرباء، ادفع يالا، اشحن يالا، انت مصري يالا.

الحكومة تقترض 13.7 مليار جنيه لسد عجز الموازنة.. السلف تلف والرد خسارة.

محمد نجاتي: أرفض أفلام الرقص وسعيد بمشاركتي في «الفندق».. انفخ البلالين علشان عيد الميلاد يا نجاتي.

برلماني يحذر من اختلال منسوب المياه الجوفية في الزمالك بسبب المترو.. اللي انت متعرفوش بقى يا نائب، إن الدولة بتحارب المياه الجوفية وبتشفطها بملايين، ودا شيء كويس إن «جزيرة» الزمالك تتخلص منها.

داعش يهدد العالم بهجمات إرهابية في «الكريسماس».. يا جيوش العالم اتحدوا، فلما سكتنا له دخل بحماره.

غادة عبد الرازق تنشر صورتها في باخرة نيلية.. طبعًا كلنا عاوزين نعرف الباخرة دي فين.

بدء تدريب 130 فردا من فالكون على قراءة العدادات بشركة كهرباء القناة.. كده الراجل هييجي يقول «بودي جارد عداد» بدل قراءة العداد.

وزير الأوقاف والمفتي يفتتحان دورة «تجديد الخطاب الديني» بمسجد النور.. جدد جدد في الخطاب، اصلح يا رب الأحوال.

عمرو موسى يعلن عدم ترشحه لانتخابات الرئاسة.. محدش سألك على فكرة، هو حد فاكرك أصلًا.

إلهامي عجينة: 64% من رجالة مصر ضعاف جنسيا.. الله يخيبك نائب عالة وهتجيب للبرلمان النعيلة.