بالصور.. أم تهدد بحرق نفسها أمام قصر الرئاسة لإنقاذ ابنها من الموت
هددت أم تدعى "شمس الشرق"، عبر حسابها على تويتر، بإحراق نفسها أمام قصر الرئاسة، في محاولة لإنقاذ نجلها من الموت، بعد إصابته بضمور عضلات يهدد أعضاء جسده بالتوقف والموت.
وأكدت الأم أن والد طفلها قد تخلى عنه بعد انفصاله عنها، مطالبة بإرسال نجلها للعلاج بالخارج، في محاولة لإنقاذه من الموت.
وكتبت شمس الشرق تغريدة على تويتر قالت فيها: "أنا تجربتي مأساة بكل المقاييس، أنا بفكر دلوقتي اخد ابني وأطلع على قصر الرئاسة.. أولع في نفسي هناك جايز وقتها صوتي يوصل ويتعاطفون مع حاله ابني بعد ما تخلي عنه أقرب الأقربين ووقتها يلاقي فرصة إنه يرجع طبيعي ويعيش بعد ما أموت".
وأضافت الأم: "لو ده حصل أدعولي بالرحمة، أرجوكم محمد طفل أقل ما يقال عنه إنه طفل ميعزش على اللي خلقه، من أخلاق وأدب وذكاء وتفوق علمي ورياضي زى كل اللي في عمره كله حيوية ونشاط وحنان غير طبيعي".
وتابعت: "فجأة وبدون مقدمات بدأت أعراض تظهر عليه وبدأت رحلة البحث عن السبب وكانت صدمتي في روح قلبي ونور عيوني ضمور عضلات مايوبثي يعني النهاية موت بطئ يعنى توقف كل عضلة بجسمه من قلب ورئة وبلع وإخراج وحركة يعني شلل تام حتى الموت للأسف من وقتها والحياة وقفت وياريت الزمن يقف علشان يفضل كده كل دقيقة من عمرة بتعدي معناها قرب أجله وأجلي معاه".
وتابعت شمس: "أنا أمه وأبوه وأهله ملوش غيري في الدنيا.. أبوه تخلى عنه وقاللي اللهم لا شماتة.. بسبب انفصالي عنه من أكثر من تسع سنين أنا كل اللي بطلبه منكم تدعوا لابني وتدعولي أموت قبله وقبل ما أشوفه جثة وهيكل ﻻ حول له ولا قوة، أنا بدعي ربنا ليل نهار يساعدني في إني أقدر أسفره.. علاجه الوحيد في أمريكا وتكلفة علاج المرض ده خيالية أنا لو بعت جسمي حتة حتة مش هعرف أجمع رقم واحد من المبلغ ده.. أتوسل إليكم تدعوله كلكم وربنا ما يوجع قلب أي أم على ضناها".
