«احلم».. قصيدة لـ «أشرف عبدالعزيز»
اعلى بحلمك
طير به فوق السحاب
احلم ولو حتى حلمك دا سراب
احلم مفيش قيد يمسكك
واوعاك ف يوم
تدفن بإيدك حلم عمرك في التراب
احلم دا حلمك يا ولد
هو اللي ملكك
احلم وداوي الجراح
جوه في حلمك
وحس حب حبيب ف قلبك جوه حلمك
وامسك أيديه وحس أنه بس ملكك
واتحداك ياولد هتسمع من حبيبك يوم كلمة بحبك
مش قلتلك دا حلمك
و ف يوم ياولد هتقوم تلاقي الحبيب ما بين إيديك
وبحب قلبه هيداويك
يعشقك ويعشق خطاويك
وبكل همسة يحس بيك
بس قلبه يلين يرق
والقلب ولو مرة يدق
كل شيء هيبقى عال
ونغني أنا وانت الموال
وهيتبدل بينا الحال
ونكيد أنا وانت العزال
