بهلول المشغول: بيع يا عم يا شايل الهم
مع نفسك بقا يا كبير
يا معالي سيادة الوزير
تشيل الدعم.. تحط الدعم
احنا تعلمنا التكبير
مش راح نسأل أي سؤال
وهنغني همومنا فـي موال
أخنق فينا ياعم براحتك
مجاتش عليك يعني ياخال
وأنت يا وزير الصحة الغالي
يا خانقني أنا وعمي وخالي
بتخصخص مستشفى حكومي
وتقنعني إنك بتحسن حالي
بيع يا عم يا شايل الهم
وأنا عادى عمرى ما هغتم
دا أنت حتى الدوا غليتو
وكمان غليت أكياس الدم
أما معالي وزير التعليم
فبقوله يا فتاح ياعليم
فين التطوير بقا يا حبيبي
ولا أنت تحب التعتيم
الفصل فيه 100 تلميذ
والطالب بقى في اللذيذ
حتى التغذية جات مسمومة
متاكلهاش خرفان ومعيز
