عزة عطا الله تكتب: أنا مش طفل
أنا مش طفل يا سوريا
أنا الأيام معانداني
وليد لكنى في الدنيا
بعد يومين كفن تانى
وبعد الآهة م الصواريخ
وصوت مكبوت
وهدم بيوت وزرع أخضر
ما بين الموت
دا أنا مولود وكان لى حدود
صبح جميل يا شجرة توت
أنا مش طفل يا سوريا
.......................................
فين تيتة وجدو الصبر
بابا وماما وأخواتى
يا مدرستى يا حلم كبير
بطل طيار وطار زاتى
بقت طيارة بس ورق
ورق ملفوف على الفاضى
أنا مش طفل يا سوريا
يا ريتنا نعود يا ريت نرجع
صحيح العزة في الأوطان
وفرحتنا بيوم العيد
حب وعشق زى زمان
يا أطفال الطفولة يا حلم
أملنا في يوم نعيش في أمان
أنا مش طفل يا سوريا
أنا الأيام معاندانى
وليد لكنى في الدنيا
بعد يومين كفن تانى
